Atyraý oblysynda 108 áleýmettik qyzmetker qarttarǵa qolǵabys etedi

2022 jylǵy 1 qazan, 22:56
Atyraý oblysynda 108 áleýmettik qyzmetker qarttarǵa qolǵabys etedi

ATYRAÝ. QazAqparat – Atyraý oblysynda 108 áleýmettik qyzmetker qarttardyń úıine baryp qyzmet kórsetedi, dep habarlaıdy QazAqparat.

Oblystyq jumyspen qamtýdy úılestirý jáne áleýmettik baǵdarlamalar basqarmasy arnaýly áleýmettik qyzmetter kórsetý bóliminiń basshysy Quralaı Tileýmaǵambetovanyń málimetine súıensek, jalǵyzbasty jáne múgedektigi bar 567 qarııa bar.

«Arnaýly áleýmettik qyzmetter kórsetý standartyna sáıkes qyzmetkerler jalǵyzbasty qarttar men múgedekterdiń úıine aptasyna eki ret baryp, 2 saǵat qyzmet kórsetedi. Olar qarııalardyń úıinde tazalyq jumystaryn júrgizip, 10 kúnde bir ret terezelerdi, edendi jýyp beredi. Mundaı arnaýly álýmettik qyzmet densaýlyq jaǵdaıyna baılanysty ózin-ózi kúte almaıtyn qarttarǵa da kórsetilip otyr. Áleýmettik qyzmetkerler qarııalarǵa tósekten turý, kıiný, jýyný, tamaqtaný, sýsyn ishý, tósekke jatý sekildi kúndelikti qarapaıym protsedýralardy oryndaýǵa kómektesedi. Eger qarııalar úıden tys jerge shyǵatyn bolsa, onda bir eldi mekenniń sheginde birge ilesip júredi», -deıdi Quralaı Tileýmaǵambetova.

Onyń aıtýynsha, Atyraý oblysynda 2079 qarııaǵa jergilikti bıýdjet esebinen áleýmettik kómek taǵaıyndalǵan.

Al, Atyraý qalasy boıynsha ótken jyldan bastap egde jastaǵylarǵa áleýmettik qoldaý kórsetý úshin «Belsendi uzaq ómir súrý» bastamasy qolǵa alynǵan.

Memlekettik áleýmettik tapsyrys negizinde iske asqan joba arqyly 150 zeınetker án aıtý, sporttyq sektsııalar, onyń ishinde shahmat oınaý men basseınge túsý, atpen serýendeý jáne kompıýterlik saýattylyqty arttyrý úıirmelerinen qyzmet alyp otyr.

Eske ala ketelik, budan buryn Atyraý oblysynyń turǵyndaryna Áleýmettik kodeks jobasy túsindirilgenin jazǵan edik.


Foto: kiidu.com




Seriktester jańalyqtary

Jańalyqtar