Atyraý oblysyna sheteldikterdi jumysqa tartý úshin 7 598 kvota bólindi
2022 jylǵy 29 qańtar 15:24

Atyraý oblysyna sheteldikterdi jumysqa tartý úshin 7 598 kvota bólindi

ATYRAÝ. QazAqparat – Bıyl Atyraý oblysyna sheteldikterdi jumysqa tartý úshin 7 598 kvota bólindi, dep habarlaıdy QazAqparat.

Oblystyq Jumyspen qamtýdy úılestirý jáne áleýmettik baǵdarlamalar basqarmasynyń basshysy Azamat Mámbetovtyń aıtýynsha, munaıly óńirge sheteldik jumys kúshin tartý úshin 7 598 kvota bólingen. Onyń ishinde 563 kvota maýsymdyq jumys isteıtin sheteldikterge arnalǵan.

Oblys ákiminiń birinshi orynbasary Serik Aıdarbekovpen kezdeske Ózbekstan Respýblıkasynyń Aqtaý qalasyndaǵy bas konsýly Atabek Tursynbekovtiń málim etkenindeı, kórshi el azamattary Atyraý oblysyna kelip, jumys isteýge daıyn.

«Alaıda, Atyraýdaǵy sharýa qojalyqtary arnaıy qujatqa sáıkes, Ózbekstan Respýblıkasynyń Syrtqy eńbek kóshi-qon agenttigimen kelisimshart jasaýy qajet. Bul onlaın formatta da júzege asyrylady. Suranysta qansha adam, qansha aıǵa qajettigi, jalaqy kólemi týraly naqty málimetter kórsetilýi tıis», - deıdi Atabek Tursynbekov.

Eske sala ketelik, buǵan deıin Atyraý oblysynda 23 myńǵa jýyq jumys orny ashylatynyn habarlaǵan bolatynbyz.


Avtor:
Tilshi

Jańalyqtar

MURAǴAT