Atyraý oblysyna 536 tonna áleýmettik mańyzy bar azyq-túlik jetkiziledi
2022 jylǵy 30 maýsym 14:54

Atyraý oblysyna 536 tonna áleýmettik mańyzy bar azyq-túlik jetkiziledi

ATYRAÝ. QazAqparat – Atyraý oblysynda áleýmettik mańyzy bar azyq-túliktiń 690,6 tonna qory bar. Endi taǵy 536 tonnasy jetkiziledi, dep habarlaıdy QazAqparat.

«Atyraý» áleýmettik-kásipkerlik korporatsııasy» AQ-nyń baspasóz qyzmetinen málim etkendeı, 536 tonna azyq-túlik shilde aıynyń basyna deıin jetkizilmek.

«Qazir «Agrofleks» JShS-niń qoımasynda 690,6 tonna kóleminde áleýmettik mańyzy bar azyq-túlik qory saqtalyp tur. Qyryqqabat baǵasyn turaqtandyrý úshin Túrkistan oblysyndaǵy sharýa qojalyǵynan 40 tonna ónim jetkizý úshin kelisim jasaldy. Budan basqa «Ideal Market» JShS «Azyq-túlik korporatsııasy» AQ-nan 408 tonna qant satyp aldy. Qant baǵasy 517 teńgeni quraıdy», -dep habarlady kásiporynnyń baspasóz qyzmeti.

«Atyraý» áleýmettik-kásipkerlik korporatsııasy» AQ áleýmettik mańyzy bar azyq-túlik taýarlarynyń baǵasyn qalypty ustaý maqsatynda «revolverlik» shema sheńberinde jergilikti saýda jelileri men kókónis óndirýshilerine aınalym qarajatyn tolyqtyrýǵa nesıe bergen. Aınalym shemasymen jergilikti aýyl sharýashylyǵy ónimderi, onyń ishinde pııaz, sábiz, qyryqqabat qyrkúıek aıynan, al, kartop shilde aıynan bastap satylymǵa shyǵarylady.

Buǵan deıin Atyraý qalasyndaǵy «ıArmarka Retail» sýpermarketiniń saýda jelisine 68 tonna qant túsken edi.

«Bizdiń sýpermarket jelisine Almaty oblysyndaǵy «Kóksý qant» zaýytynan shyǵarylǵan 68 tonna qant ákelindi. Birer kúnnen keıin sýpermarket jelisi arqyly satylymǵa shyǵarylady. Aldaǵy 4-5 kúnnen keıin taǵy 66 tonna, sodan soń 64 tonna qant jetkizildi. Osylaısha, ár 4-5 kún saıyn qant ákeline beredi», -deıdi «ıArmarka Retail» sýpermarketi jelisiniń qoıma meńgerýshisi Klara Sharıpova.

Atalǵan sýpermarket meńgerýshisi Gúlmıra Ǵızatýllınanyń aıtýynsha, saýda jelisiniń sóresindegi qant azaıǵan saıyn tolyqtyrylady. Munda tutynýshyǵa usynylǵan qanttyń bir kelisi 385 teńgeden satylyp jatyr.


Uqsas jańalyqtar

Jańalyqtar

Úrdis

MURAǴAT