Valıýta baǵamdary:
    usd/kzt 478.01 eur/kzt 488.81

    rub/kzt 7.91 cny/kzt 70.76
Aýa raıy:
Nur-Sultan: 1 °S
Almaty: 15 °S

Atyraý oblysy Jylyoı aýdanyna jańa ákim taǵaıyndaldy

2022 jylǵy 22 maýsym 12:36

ATYRAÝ. QazAqparat - Búgin Atyraý oblysynyń ákimi Serik Shápkenov Jylyoı máslıhatynyń depýtattaryna Prezıdent Ákimshiligimen kelisilgen jańa ákimniń kandıdatýrasyn usyndy, dep habarlaıdy QazAqparat.

Aýdandyq máslıhat depýtattary Jumabek Qarajanovtyń kandıdatýrasyna biraýyzdan qoldaý bildirdi.

Jumabek Qarajanov Qazaqstan-Brıtan tehnıkalyq ýnıversıtetin, Qazaqstan Respýblıkasynyń Prezıdenti janyndaǵy Memlekettik basqarý akademııasyn «Ekonomıka jáne bıznes» mamandyǵy boıynsha bitirgen. Ekonomıka jáne bıznes magıstri, memlekettik aýdıtor sertıfıkaty bar.

2011-2012 jyldary «Jasulan jáne Kompanııa» JShS-de ekonomıst bolyp jumys istegen. 2012-2014 jyldary Atyraý oblysy boıynsha tekserý komıssııasynda ártúrli laýazymdy atqarǵan.

2014-2017 jyldary Atyraý oblysy boıynsha tekserý komıssııasynyń memleket bıýdjetteri men aktıvterin baqylaý jónindegi №3 bólimniń basshysy bolǵan.

2017-2018 jyldary Atyraý oblysy boıynsha tekserý komıssııasynda sapany baqylaý, ishki aýdıt, uıymdastyrý-quqyqtyq qamtamasyz etý jáne personaldy basqarý qyzmeti bóliminiń basshysy.

2018-2019 jyldary Atyraý oblysy boıynsha tekserý komıssııasy apparatynyń basshysy.

2019 jyldyń aqpan aıynan bastap búginge deıin Atyraý qalasy ákiminiń orynbasary qyzmetin atqardy.

Aımaq basshysy Serik Shápkenov Jumabek Qarajanovqa aýdannyń áleýmettik-ekonomıkalyq damýyna qatysty birqatar naqty tapsyrma júktedi.


Avtor:

Bek Mustafa

Novostı po teme