+7 (701) 759 90 19
USD 386.30 EUR 428.14
RUB 6.08 CNY 54.87
Jańalyqtar

Atyraý oblystyq perzenthanasy qalypty jumysyn jalǵastyrýda

2019 jylǵy 17 qazan 00:01
Bólisińiz:
Atyraý oblystyq perzenthanasy qalypty jumysyn jalǵastyrýda

ATYRAÝ. QazAqparat – Atyraýda oblystyq perınataldyq ortalyq shattyq rejimde jumys isteýde, dep habarlaıdy QazAqparat tilshisi.

Oblystyq perınataldyq ortalyqtyń bas dáriger orynbasary Asqar Kenjeǵalıev bosaný zaly men jańa týǵan nárestelerge arnalǵan jansaqtaý bólimi jóndeý jumystaryna jabylyp jatqany týraly aqparatty joqqa shyǵardy.

«Bizdiń perınataldyq ortalyq shattyq rejimde jumysyn jalǵastyryp jatyr. Ventılıatsııany jóndeý ótken jyldan beri josparlanǵan bolatyn. Sondyqtan, bul jumystar atqarylady. Biraq bosanatyn áıelderdiń sany shamamen 20 paıyzǵa azaıdy. Munyń sebebi – eger buryn túrli patologııasy bar áıelderdi tek biz ǵana qabyldap kelsek, qazir úshinshi deńgeı statýsyn alǵan qalalyq perzenthana da qabyldap jatyr», - dedi A.Kenjeǵalıev.

Eske salaıyq, 4 qazan kúni Sybaılas jemqorlyqqa qarsy qyzmet jańa týǵan sábıdiń ólimine, sondaı-aq jemqorlyq qylmystar boıynsha kúdikti – Atyraý oblystyq perzenthanasynyń bas dárigerine qatysty istiń mán-jaıyn jarııa etti. Sybaılas jemqorlyqqa qarsy is-qımyl agenttiginiń habarlaýynsha, dárigerler náreste ólimi faktisin jabý úshin para bermek bolǵan.

Oblysqa QR Densaýlyq saqtaý vıtse-mınıstri Lázzat Aqtaeva bastaǵan respýblıkalyq densaýlyq saqtaý uıymdarynyń mamandary jetti.

7 qazan kúni perınataldyq ortalyqtyń 31 qyzmetkeri jumystan ketý týraly ótinish jazǵany belgili boldy. Keıin atalmysh medıtsına qyzmetkerleri Prezıdentke hat joldady.

Densaýlyq saqtaý mınıstri Eljan Birtanov bul oqıǵaǵa qatysty vedomstvonyń ustanymyn jarııalady. «Bizdiń ustanymymyz: tergeý nátıjesi men barlyq saraptamalardyń júrgizilýin kútý. Medıtsınalyq qyzmetkerler tarapynan zańsyz áreketterdiń bolǵan-bolmaǵanyn anyqtaý. Sodan keıin ǵana tolyqqandy pikir bere alamyz», - dedi ol.

Sondaı-aq elordadaǵy Úkimet otyrysynan soń jýrnalısterdiń saýalyna jaýap bergen Nurlan Noǵaev tergeýdiń aıaqtalýyn kútip, istiń aq-qarasy anyqtalǵansha qorytyndy jasamaýdy ótindi.

«Resmı organdar resmı pikir bildirdi. Qazir tergeý sharalary júrgizilýde. Sonyń aıaqtalǵanyn kútý kerek. Mınıstr óz pikirin bildirdi, vıtse-premer de keldi. Tergeý qorytyndysy shyqpaı turyp biz baǵa bere almaımyz, - dedi ákim. – Bul máseleniń barlyq túıitkilderin muqııat tekserý kerek. Birinshiden, tergeý ǵana barlyq saýaldardyń jaýabyn taba alady. Dúnıege kelgen sábılerdiń 80 paıyzyna jýyǵy ońaltý bólimine túsedi, salmaǵy óte az, kúni jetpegen. Bul baǵyttaǵy jumysymyzǵa búge-shúgesine deıin toqtalmaı-aq qoıaıyn, aıtaıyn degenim, sábı ólimi jáne ana men bala kútimi basty nazarda bolmaq. Bul baǵytta úlken jumystar atqarylýda. Ótken jylǵy kórsetkishterdi bıylǵymen salystyratyn bolsaq, tómendeý baıqalady. Biraq áldebir sebeptermen tamyz aıynda qaıtadan sábı ólimi órship ketti. Tamyzda - 26, qyrkúıekte - 17 sábı shetinegen. Tıisti sharalardy qolǵa alamyz. Bosanatyn 75 áıeldi qalalyq perzenthana men ózge de aýrýhanalarǵa kóshirdik. Bul keńesti tergeý barysynda arnaıy komıssııa bergen bolatyn. Densaýlyq saqtaý mınıstrliginiń komıssııasy, ózge de organdardyń toptary qyzmet atqarýda. Júıeli jumys júrip jatyr. Ana men bala ómiri - baǵa jetpes baılyǵymyz, sábı ólimi - biz úshin tragedııa», - dedi ol.

Ákim oblystyq Densaýlyq saqtaý basqarmasy basshysynyń jaýapkershiligi týraly saýalǵa: «Basqarma basshysy qyzmetinen ketý jóninde aryz jazdy, qazir másele qaralý ústinde»,- dep jaýap qatty.

Bizdiń kanalymyzǵa jazylyńyz:

Basty sózder: Atyraý oblysy, Oqıǵa, Aımaq,
Bólisińiz:

Avtor:

Mıra Tólendiqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT