+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Atyraý halqy dári-dármek baǵasyna shaǵymdanǵannan keıin 50 dárihana tekserildi

2020 jylǵy 16 shilde 18:15
Bólisińiz:
Atyraý halqy dári-dármek baǵasyna shaǵymdanǵannan keıin 50 dárihana tekserildi

ATYRAÝ. QazAqparat – Atyraý oblysynyń bas memlekettik sanıtar dárigeri Sádýaqas Baıǵabylov dárihanada alypsatarlyqqa jol bermeý jáne dári-dármektiń shekti baǵasyn saqtaýǵa baılanysty júrgizilgen monıtorıng nátıjesin aıtty, dep habarlaıdy QazAqparat.

Uqsas jańalyqtar
Nur-Sultanda dári-dármek baǵasyna monıtorıng júrgizý jumystary jalǵasýda Dári-dármek pen maskany qymbat baǵaǵa satqandar ustaldy – Túrkistan Atyraýda sertıfıkattalmaǵan 244 myń teńgeniń dárisi tárkilendi

Sádýaqas Baıǵabylovtyń málim etýinshe, Atyraý qalasynyń turǵyndary áleýmettik jelide dárihanalardaǵy dári-dármek baǵasynyń kóterilgenin aıtyp shaǵymdanǵan. Osyǵan oraı, mobıldi toptar Atyraý oblysynyń 50 dárihanasyna tekserý júrgizgen.

«Tekserý barysynda dárihanalarda dári-dármek baǵasynyń kóterilgeni anyqtaldy. Máselen, «Novıgan Neo № 20» preparaty - 600-800 teńgeden (shekti baǵasy - 583 teńge), «Aspırın Kardıo 100 mg № 28» - 1500 teńgeden (shekti baǵasy - 1271 teńge), «Kardıomagnıl 75 mg № 100» - 1900 teńgeden (shekti baǵasy - 1802 teńge) satylǵan. Qazir oblystyq taýarlar men qyzmetterdiń sapasy men qaýipsizdigin baqylaý departamentiniń mamandarymen atalǵan faktiler boıynsha 9 ákimshilik is qaralyp jatyr. Shaǵyn jáne orta kásipkerlik nysandaryna QR Ákimshilik quqyq buzý kodeksiniń 426-babymen 130-dan 1000-ǵa deıingi aılyq eseptik kórsetkish kóleminde aıyppul salynady», - dedi Atyraý oblysynyń bas memlekettik sanıtar dárigeri Sádýaqas Baıǵabylov.

Sondaı-aq, «Ortodont» JShS dárihanasynan 10 túrli tirkelmegen dári-dármek tabylǵan. Al, «Verdant» kosmetologııalyq kabınetinde farmatsevtıkalyq lıtsenzııalyq qujatsyz ári zańsyz kásipkerlikpen aınalysý deregi tirkelgen. Munda 116 túrli tirkelmegen dári satylǵan. Onyń ishinde «Kleksan», «Deksametazon», «Azıtromıtsın» sekildi tapshy dári-dármekter bolǵan.

Qazir eki derek boıynsha ekonomıkalyq tergeý departamenti tergeý júrgizip jatyr.

Eske sala ketelik, budan buryn Atyraý oblysynyń eki turǵyny úılerin dárihanaǵa aınaldyrǵanyn habarlap edik.


Bizdiń kanalymyzǵa jazylyńyz:

Bólisińiz:

Avtor:

Bek Mustafa

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT