Jańalyqtar  >
  Sport
«Atyraý» fýtbol klýbynyń bas bapkeri qyzmetinen bosatyldy
2022 jylǵy 19 tamyz 17:21

«Atyraý» fýtbol klýbynyń bas bapkeri qyzmetinen bosatyldy

NUR-SULTAN. QazAqparat - «Atyraý» fýtbol klýbynyń bas bapkeri Konstantın Gorovenko qyzmetinen ketti. Bul jóninde komanda basshylyǵy resmı málim etti, dep habarlaıdy QazAqparat tilshisi.

Atyraýlyq klýbtyń dırektory Ernıs Esmagambetov bas bapkerdiń aýysýyna qatysty túsinik berdi.

«Konstantın Aleksandrovıchke atqarǵan jumysy úshin alǵys aıtamyz. Jarty jyl ishinde jaǵymdy jáne este qalatyn sátter boldy. Komanda 1 mamyrdan beri óz alańynda jeńiske jetken joq. Keıingi 11 kezdesýde eki ret qana jeńiske jettik, kýbokta toptyq kezeńde qalyp qoıdyq. Chempıonattaǵy sońǵy 5 kezdesýde jeńiske jete almadyq. Bapkerdiń aýysýy, eń aldymen, komandanyń emotsıonaldyq kóńil-kúıine oń áser etedi dep úmittenemiz», - dedi ol.

Ázirge komandanyń bas bapkeri qyzmetine kimniń keletini belgisiz.

«Úmitkerlermen kelissóz júrgizip jatyrmyz. Bul Qazaqstanda buryn jumys istemegen sheteldik maman ekenin ǵana aıta alamyn», - E.Esmaǵambetov.

K. Gorovenko 1977 jyly dúnıege kelgen. Fýtboldaǵy mansabynda 1995-2004 jyldary «Qaırat», «Qaınar», «Astana», «Almaty», «Megasport», «Suńqar» komandalarynda oınady. Ulttyq qurama sapynda 2000-2001 jyldarda 6 oıynda 3 gol soqty.

2020-2021 jyldarda Qaraǵandynyń «Shahter», Taldyqorǵannyń «Jetisý» klýbtarynda bas bapker boldy.

Bıylǵy jyldan bastap «Atyraý» komandasyna jetekshilik etti.

Foto: kazfootball.kz




Uqsas jańalyqtar
Seriktester jańalyqtary

Jańalyqtar

Úrdis

MURAǴAT