+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Atyraý dárigerleri náresteni tońazytqyshqa salyp óltirdi degen kúdikke ilindi

2019 jylǵy 4 qazan 17:22
Bólisińiz:
Atyraý dárigerleri náresteni tońazytqyshqa salyp óltirdi degen kúdikke ilindi

NUR-SULTAN. QazAqparat – Atyraý oblysynda perınataldy ortalyǵynyń basshysy men dárigeri jańa týǵan náresteni tońazytqysh kamerasyna salyp óltirdi degen kúdikke ilingen. Bul týraly Sybaılas jemqorlyqqa qarsy is-qımyl agenttigi tóraǵasynyń orynbasary Shyńǵys Qabdolla málim etti, dep habarlaıdy QazAqparat tilshisi.

«Gıppokrattyń antyna adal bolýdy ýáde etken densaýlyq saqtaý salasynyń qyzmetkerleri jańa týǵan náresteni tońazytqysh kameraǵa salyp óltirdi degen kúdikke ilindi. Tekserý nátıjesinde anyqtalǵanyndaı, jańa týǵan bala qateliktiń saldarynan qujat boıynsha óli týǵandardyń qataryna engizilip ketken. Shyntýaıtynda ol tiri bolǵan. Balanyń tiri ekenin bilgennen keıin dárigerler ońaltý amaldary boıynsha shuǵyl sharalardy qabyldaýdyń ornyna resimdelgen qujat boıynsha, sábıdi shetinep ketkenshe sol jerde qaldyrǵan. Dárigerdiń áreketiniń bir sebebi – toltyrylyp qoıǵan qujat. Ol túzetilmegen», - dedi Shyńǵys Qabdolla elordadaǵy brıfıngte.

Perzenthanaǵa birden kelgen jedel tergeý toby atalǵan oqıǵanyń mán-jaıyn anyqtaǵan.

«Shaqalaqtyń denesi tońazytqysh kamerasynan tabyldy. Ýaqyt boıynsha úlgere almaı qaldyq. Sot sanktsııasymen kúdiktiler tutqynǵa alynyp, sotqa deıingi tergeý amaldary júrgizilip jatyr», - dedi ol.

Perzenthana ortalyǵynyń basshysy men áıeldi bosandyrǵan akýsher-gınekologtyń ústinen qylmystyq is qozǵaldy.

Áý basta atalmysh fakt boıynsha QR QK 317-baby boıynsha sotqa deıingi tergeý amaldary júrgizilgen. Alaıda istiń mán-jaıy anyqtalǵannan keıin atalǵan eki adamǵa taǵylǵan aıyp QR QK 99-babyna (qasaqana kisi óltirý) ózgertilgen.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT