Atyraý avtobýstarynda jolaýshylar sany 60 myńǵa azaıdy

ATYRAÝ. QazAqparat - Atyraý qalasynyń qoǵamdyq kólikterinde jolaýshylar aǵyny 60 myńǵa azaıdy, dep habarlaıdy QazAqparat.

«Smart Atyraý» KMM dırektory Ádilbek Tańqıevtiń aıtýynsha, qalaishilik avtobýs qatynasynda jolaýshylar aǵyny kúnine 100 myńnan 40 myńǵa deıin azaıǵany baıqalǵan.

«Tótenshe jaǵdaıdyń engizilýine baılanysty Atyraý qalasynda jolaýshy tasymaldaıtyn avtobýstardyń sanyn 160-tan 140 birlikke deıin qysqartýǵa uıǵarym jasadyq. Demalys kúnderi jolaýshylardy 115 avtobýs tasymaldaıdy. Reısten oralǵan boıda ár avtobýstyń salonyna sanıtarlyq tazalyq júrgizilip, dezınfektsııalyq eritindimen óńdeledi. Osy maqsatta kondýktorlarǵa arnaıy qolǵaptar men dezınfektsııalyq quraldar berildi», - dedi Ádilbek Tańqıev.