Jańalyqtar  >
Atyraý aýrýhanasynda túsik tastaǵan áıel qaıtys bolǵan
2022 jylǵy 10 tamyz 20:51

Atyraý aýrýhanasynda túsik tastaǵan áıel qaıtys bolǵan

ATYRAÝ. QazAqparat – Atyraý aýrýhanasynda júkti áıel qaıtys bolǵan. Júktiliktiń 17-aptasyn ótkergen áıel túsik tastaǵan, dep habarlaıdy QazAqparat.

Bul týraly jergilikti qoǵam belsendisi Nurlan Jýnasov áleýmettik jelidegi paraqshasynda jazba qaldyrdy.

«Myna adamnyń áıeli qaıtys boldy. Kúıeýi balasynyń 10 kúnnen beri máıithanada jatqanyn nege búgin bilgen? Aryzy osy kezge deıin nege qabyldanbaıdy?» -dep jazdy Facebook-tegi paraqshasynda.

Kúıeýiniń aıtýynsha, júkti áıeli aýrýhanaǵa túsken. Alaıda, ony bir kúnnen soń shyǵaryp jibergen.

«Áıelim úıge kelgen soń jaǵdaıy nasharlap, qan qusty. Aýrýhanaǵa jatqannan keıin kóz jumdy», deıdi kúıeýi.

Al 17 aptalyq shaqalaqtyń máıiti on kúnnen beri máıithanada jatqan. Shaqalaqtyń qaıtys bolǵany týraly áıeldiń kúıeýine de, týystaryna da eshkim habarlamaǵan.

Bul jóninde áıeldiń týystary qaıtys bolǵany jóninde anyqtama alýǵa kelgende bilgen. Qaıtys bolǵan áıel úsh jyl buryn kúıeýge shyqqan. Onyń artynda kámeletke tolmaǵan eki balasy qalǵan.

Osy derekke baılanysty oblystyq densaýlyq saqtaý basqarmasynyń baspasóz qyzmeti ázirge túsinik bergen joq.

Eske sala ketelik, budan buryn Atyraý perzenthanasynda jas bosanǵan áıel náresteni edenge qulatyp alǵanyn, keıin nárestege qatysty oqıǵadan keıin Atyraý oblysy perzenthanasynyń basshysy jumystan ketpek bolǵanyn habarlaǵan edik.


Foto: sites.wp.odu.edu


Uqsas jańalyqtar
Seriktester jańalyqtary

Jańalyqtar

Úrdis

MURAǴAT