Atyraý, Aqtóbe, Mańǵystaý oblystarynda geologııalyq barlaý júrgizýge 5,3 mlrd teńge ınvestıtsııa salynǵan
2022 jylǵy 14 tamyz 18:41

Atyraý, Aqtóbe, Mańǵystaý oblystarynda geologııalyq barlaý júrgizýge 5,3 mlrd teńge ınvestıtsııa salynǵan

ATYRAÝ. QazAqparat – Bıyl Atyraý, Aqtóbe, Mańǵystaý oblystaryndaǵy 4 jer qoınaýy ýchaskesinde geologııalyq barlaý júrgizýge 5,3 mlrd teńge ınvestıtsııa salynǵan.

Bul týraly Energetıka mınıstri Bolat Aqsholaqov málim etti, dep habarlaıdy QazAqparat.

Mınıstrdiń málimetine súıensek, Atyraý oblysyda 118 ken orny ornalasqan. Kómirsýtekti shıkizatty ıger maqsatynda 78 kelisimshart jasalǵan.

«Qazir ken oryndarynda óndiriletin munaı qory – shamamen 3,3 mlrd tonna. Al, gaz qory 200 mlrd tekshe metrden asady. Bıyl Atyraý, Mańǵystaý jáne Aqtóbe oblystarynda ornalasqan 4 jer qoınaýy ýchaskesine kómirsýtekter boıynsha jer qoınaýyn paıdalaný quqyǵyn berýge aýktsıon ótkizildi. Aýktsıon qorytyndysymen qol qoıý bonýsy shamamen 2,4 mlrd teńgeni qurap otyr. Bul bastapqy qol qoıý bonýsynan shamamen 10 esege artyq.

Jaqyn arada atalǵan jer qoınaýy ýchaskelerinde geologııalyq barlaý jumystaryn júrgizý josparlandy. Bul maqsatqa salynǵan ınvestıtsııa kólemi 5,3 mlrd teńgeni qurady», -dep málim etti Bolat Aqsholaqov.

Energetıka mınıstriniń pikirinshe, Memleket basshysy Qasym-Jomart Toqaevtyń tapsyrmasyn oryndaý maqsatynda jer qoınaýyn paıdalanýǵa arnalǵan Jaqsartylǵan modeldik kelisimshart tetigin engizý boıynsha zańnamalyq ózgerister toptamasy ázirlengen. Onda salyqtan bosatý túrindegi retteýshilik jáne fıskaldyq preferentsııalar kózdelip otyr. Zańnamada kórsetilgen túzetýler osy jyldyń sońyna deıin qabyldanady.

Bul jańa ken oryndaryn ıgerýge serpin beredi.

Eske sala ketelik, buǵan deıin Atyraý oblysynyń aýyldaryn gazdandyrýǵa 1 mlrd teńge bólingenin habarlaǵan bolatynbyz.

https://www.inform.kz/qz/atyrau-oblysynyn-auyldaryn-gazdandyruga-1-mlrd-tenge-bolingen_a3966431


Uqsas jańalyqtar
Seriktester jańalyqtary

Jańalyqtar

Úrdis

MURAǴAT