Ýstanovıt dlıa Android
×
+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Aty ańyzǵa aınalǵan ushqysh Talǵat Bıgeldınovke eskertkish ornatyldy

2021 jylǵy 8 mamyr 13:42
Bólisińiz:
Aty ańyzǵa aınalǵan ushqysh Talǵat Bıgeldınovke eskertkish ornatyldy

NUR-SULTAN. QazAqparat - Qorǵanys mınıstri general-leıtenant Nurlan Ermekbaev Ekinshi dúnıejúzilik soǵystyń ardageri, Eki márte Keńes Odaǵynyń batyry, avıatsııa general-maıory Talǵat Bıgeldınovke arnalǵan eskertkishtiń ashylý rásimine qatysty, dep habarlaıdy QR QM baspasóz qyzmeti.

Atalǵan eskertkish Uly Otan soǵysyndaǵy Jeńistiń 76 jyldyǵyn merekeleý qarsańynda Nur-Sultan qalasy Saryarqa dańǵylynyń boıynda ashyldy. Saltanatty sharaǵa Talǵat Bıgeldınovtyń qyzdary Galına men Raıhan, elorda ákimi Altaı Kólginov, Parlament Májilisiniń depýtaty Baqytbek Smaǵul, Qarýly Kúshterdiń ardagerleri, qoǵam qaıratkerleri, «Jas sarbaz» balalar-jasóspirimder qozǵalysynyń ókilderi men áskerı qyzmetshiler qatysty.

– Talǵat Jaqypbekuly Bıgeldınovtyń búkil sanaly ǵumyry -eren erlik pen batyldyqtyń, kásibı sheberlik pen Otanǵa adaldyqtyń úlgisi. Soǵys jyldary ol IL-2 shabýyldaýshy ushaǵymen 305 ret ushty. Osy 500 saǵattyq ushý kezinde ushqysh eń jaýapty tapsyrmalardy buljytpaı oryndady. Batyldyǵy men erligi úshin Lenın, Qyzyl Tý, Aleksandr Nevskıı, Qyzyl Juldyz, III dárejeli Dańq, I jáne II dárejeli Otan soǵysy ordenderimen marapattaldy, eki ret Keńes Odaǵynyń Batyry ataǵyna laıyq dep tanyldy, – dedi qorǵanys mınıstri.

Elordada áıgili ushqyshqa eskertkishtiń ashylýy alapat maıdanda erlikpen shaıqasyp, tylda jeńisti jaqyndatqan ardagerlerge qurmet kórsetip, olardyń erlik jolyn máńgi este saqtaıtyn urpaq sabaqtastyǵyn kórsetedi.

Jeńis jolynda óz ómirin qaýip-qaterge tigip, surapyl soǵystyń alapat maıdanynan ótken Talǵat Bıgeldınovtyń erlikteri el tarıhyna máńgi saqtalady.

Soǵystan keıingi jyldary ol áskerı jáne azamattyq avıatsııada jumys istedi, qoǵamdyq qyzmetpen aınalysty. Táýelsizdik jyldary Qazaqstan Qarýly Kúshteriniń qalyptasýy men damýy jolynda, jastardy áskerı-patrıottyq tárbıeleý maqsatynda belsendi jumys júrgizdi

Búginde Áýe qorǵanysy kúshteriniń Áskerı ınstıtýty men Qaraǵandy «Jas ulan» respýblıkalyq mektebi batyr ushqyshtyń berilgenin maqtan etedi. Atalǵan oqý oryndarynyń aýmaǵynda aty ańyzǵa aınalǵan batyrǵa eskertkishter ornatylǵan. Kýrsanttar men ulandar batyrdyń ǵumyry men jaýyngerlik jolyn úlgi etedi.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT