+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Atlah qalasynyń ornynda barlaý-qazba jumystary júrgiziledi

2019 jylǵy 23 qyrkúıek 22:45
Bólisińiz:
Atlah qalasynyń ornynda barlaý-qazba jumystary júrgiziledi

TARAZ. QazAqparat – Jambyl oblysyndaǵy Atlah qalasynyń ornyna barlaý-qazba jumystary júrgiziledi. Aımaq basshysy Asqar Myrzahmetov jaýapty tulǵalarǵa naqty tapsyrma berdi, - dep habarlaıdy QazAqparat tilshisi.

Uqsas jańalyqtar
Ábilqaıyr hannyń Reseı patshaıymy Elızavetaǵa jazǵan haty tabyldy SQO: Arheologtar Altyn Orda dáýirine jatatyn 7 kóne mazardyń ornyn tapty

Jambyl oblysynyń ákimi Asqar Myrzahmetov Jambyl aýdanyndaǵy jumys sapary barysynda Atlah-Talas shaıqasy ótken orynǵa arnaıy baryp, tarıhı shaıqastyń mańyzdylyǵyn tilge tıek etti. Ony nasıhattaý men tanytý jumystaryna durys kóńil bólip, osy baǵytta naqty sharalardy qolǵa alý kerektigin basa aıtty. Sondaı-aq, óńir basshysy jaýapty tulǵalarǵa qalanyń ornynda qazba jumystaryn júrgizý úshin aldymen keshendi arheologııalyq ǵylymı-zertteý men barlaý-qazba sharalaryn uıymdastyrýdy tapsyrdy.

Jambyl oblystyq tarıhı-mádenı eskertkishterdi qorǵaý jáne qalpyna keltirý dırektsııasy dırektorynyń orynbasary Saýran Qalıevtyń aıtýynsha, bul jumystarǵa jergilikti tarıhshy-arheolog ǵalymdardy tartý arqyly júzege asyrý josparlanyp otyrǵanyn jetkizdi. Oǵan aımaq basshysynyń tapsyrmasyna oraı keler jyly oblystyq bıýdjetten qarjy qarastyrý kózdelýde.

Aıta keteıik, Atlah shaıqasy bizdiń jyl sanaýymyzdyń 751 jyly Tarazdan 25 shaqyrym jerde oryn tepken Atlah qalashyǵynyń mańynda ótti. Shaıqas qytaı jáne arab áskerleriniń arasynda bolǵan. Belgili tarıhshy-ǵalym Mahmýd Qashqarıdyń málimetinde: «Atlah – Tarazdyń mańyndaǵy qalanyń aty». Al, A.Bernshtamnyń jazbalarynda: «Atlahtyń qaldyǵy – Jýantóbe. Qazir ol qulaǵan. Qamal men qalanyń qaldyǵynan tóbege aınalyp, 280-140 metr jerdi alyp jatyr.Tóńireginde qorǵany, onyń syrtynda egin alqaby bolǵan» - degen derek kezdesedi.

Tarıhshylar Qytaı áskeri Arabtardan osy Talas boıyndaǵy shaıqasta tas-talqan bolyp jeńilgennen keıin, ekinshi ret túrkiler eline bettemegenin aıtady. Qytaı áskeri osy jeńilisten soń óziniń Orta Azııaǵa júrgizgen ekspantsııalyq saıasatynan bas tartqan kórinedi. ıAǵnı, Atlah-Talas shaıqasy búkil Ortalyq Azııanyń tarıhı, mádenı jáne saıası kartasyn óte qatty ózgeristerge ushyratýǵa sebep bolǵan tarıhı oqıǵa.


Bizdiń kanalymyzǵa jazylyńyz:

Bólisińiz:

Avtor:

Ǵıbrat Sembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT