+7 (701) 759 90 19
USD 448.01 EUR 495.86
RUB 5.64 CNY 63.19
Jańalyqtar

Atbasar qalasynda sý basý qaýpi bar aýmaqtan 459 otbasy kóshirildi

2020 jylǵy 25 aqpan 23:48
Bólisińiz:
Atbasar qalasynda sý basý qaýpi bar aýmaqtan 459 otbasy kóshirildi

KÓKShETAÝ. QazAqparat - Atbasar qalasynda sý tasqynynyń qaýipti aýmaǵynan 459 otbasy kóshirildi. Aýdan boıynsha taǵy 502 otbasyn kóshirý josparlanyp otyr. Bul týraly aımaq basshysy Ermek Marjyqpaev áleýmettik jelidegi paraqshasynda jazdy, dep habarlaıdy QazAqparat tilshisi.

Uqsas jańalyqtar
Kún jylynýyna baılanysty 6 oblysta ózenderdegi muz erip, sý deńgeıi kóteriledi Jambyl oblysynyń sý tasqyny kezeńine daıyndyǵy qandaı Qazaqstanda avtomobıl joldarynyń 97 paıyzy tasqyn sýdy ótkizýge daıyn

«Kóktemgi sý tasqynynyń aldyn alý maqsatynda 54 eldimekende (14 aýdandaǵy) sý tasqynyna qarsy is-sharalar, sý ótkizetin 41 nysandy jóndeý jumystary júrgizildi, sý aǵatyn 27 shaqyrym arna tereńdetildi jáne keńeıtildi, 16,5 shaqyrym bóget pen topyraq úıindisi nyǵaıtyldy, 17 shaqyrym bóget turǵyzyldy, ózen arnasynyń 5 shaqyrym aralyqta túbi tazartyldy.

Budan bólek, 181 tonna janar-jaǵar maı, 8 myń tonna ınertti materıaldar men qum salýǵa arnalǵan 50 myń qap qor jasaldy. Eldimekenderden 800 myńnan astam tekshe metr qar shyǵarylyp, 2445 adam men 1090 arnaıy tehnıka, 229 motopomp, 60 júzý quraly ázirlendi. Sý tasqynynyń aldyn alý maqsatynda 66 gıdro-meteostansa men beket baqylaý jasap otyrady, buǵan qosymsha taǵy 97 baqylaý beketi uıymdastyrylady»,— deıdi E.Marjyqpaev.

Aımaq basshysynyń málimetinshe, Jol kartasy sheńberinde 2020 jylǵa josparlanǵan sharanyń 14-i júzege asyrylýda.

«Nur-Sultan qalasyn sý alyp qalýyna jol bermeý maqsatynda Esil ózeni jaǵasynyń dóńes jerin tegisteý jáne Nur-Sultan qalasy shekarasynan Araıly aýylyna deıingi (Talapker aýylynan Araıly aýylyna deıin) ózen arnasyn keńeıtý boıynsha jobalyq-smetalyq qujattary ázirlendi. Esil ózeni arnasyn tabıǵı (topyraq, butalar, qamys) shógindilerden tazartý jumystary júrgizildi. Aǵyn sýdy apatsyz ótkizý sheńberinde Esil ózeni arnasyn keńeıtý (buǵan 30 birlik arnaıy tehnıka tartylyp, ózen arnasynyń eni 100 metr, uzyndyǵy 30 shaqyrymǵa deıingi aýmaǵy tazartylady) jumystary bastaldy. Atbasar qalasynda sý tasqynynyń qaýipti aýmaǵynan 459 otbasy kóshirildi, Atbasar aýdany boıynsha qaýipti aýmaqtan taǵy qosymsha 502 otbasyn kóshirý josparlanyp otyr. Qazirgi kezde Atbasar qalasynda 100 páterli 5 turǵyn úıdiń qurylysy úshin qarjy bólý máselesi qarastyrylýda»,— deıdi E.Marjyqpaev.

Sonymen qatar, aımaq basshysy atap ótkendeı, gıdrologııalyq málimetterdi naqtylaý boıynsha Jabaı ózeni boıynsha (Atbasar jáne Sandyqtaý aýdandary) ekspedıtsııa uıymdastyryldy. Onyń nátıjesi boıynsha ózen ańǵarynda qardyń qalyńdyǵy 34 paıyzdan joǵary, ylǵal 2 ese kóp, sondaı-aq, topyraqtyń qatýy ótken jylmen salystyrǵanda 55 paıyzǵa tómen ekeni anyqtaldy.

Naýryz aıynda oblystyń sý basý qaýpi bar 10 aýdanynda 20 myń sharshy metr aýmaqta muz jarý jumystaryn júrgizý josparlanǵan. Barlyq qajetti sharalar oryndalyp, qatań baqylaýǵa alynǵan.


Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT