+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Ataýly kúnde dúnıege kelgenimdi maqtan etemin - Azamat Qabaqov

2019 jylǵy 16 jeltoqsan 19:56
Bólisińiz:
Ataýly kúnde dúnıege kelgenimdi maqtan etemin - Azamat Qabaqov

QYZYLORDA. QazAqparat - Qyzylorda turǵyny Azamat Qabaqov osydan 28 jyl buryn elimiz táýelsizdik alǵan kúni dúnıege kelgen. Ol ataýly kúnde dúnıege kelgenin maqtanysh sanaıdy, dep habarlaıdy QazAqparat tilshisi.

Uqsas jańalyqtar
Ánshi Dımash Qudaıbergen qazaqstandyqtardy Táýelsizdik kúnimen quttyqtady QHA ókilderi qazaqstandyqtardy Táýelsizdik kúnimen quttyqtady Aıdos Úkibaı Elbasynyń qazaqstandyqtardy Táýelsizdik kúnimen quttyqtaǵan vıdeosyn jarııalady

Azamat 1991 jyly 16 jeltoqsanda Aral aýdany Qamystybas aýylynda dúnıege kelgen. Ákesi Janat pen anasy Kúlán ataýly kúnde dúnıege kelgen nárestesine Azamat degen esimdi qoıýǵa sheshim qabyldady. Búginde ol eńbek jolyna aralasyp, Qyzylorda oblysy ákimdigine qarasty óńirlik kommýnıkatsııalar qyzmetinde eńbek etedi.

Azamat mektep bitirgennen keıin Taraz memlekettik ýnıversıtetinde bilim aldy. Odan keıin týǵan jerge oralyp, eńbek jolyn bastap ketti. Búginde ol ózi de otaý kóterip, Aıjan esimdi súıgen jarymen shańyraq shattyǵyna kenelip otyr.

«Ataýly kúnde dúnıege kelgenimdi maqtan etemin. Sol kúni memleketimiz táýelsizdik aldy. Qazaqtyń qalyń tarıhyna úńilseń, talaı ret taǵdyry qyl ushynda turǵanyn baıqaısyń. Taǵdyrdyń syn tezinen aman qalǵan halqymyz bilektiń kúshimen, naızanyn ushymen ushqan qustyń qanaty, shapqan attyń tuıaǵy talatyn keń dalany bizge amanat etti. Ata-baba armanyna biz jettik. El tarıhyndaǵy eleýli kúnde dúnıege kelýim júregime shýaq shashady. Táýelsizdikpen túıdeı qurdas bolýymdy mańdaıǵa jazypty. Taǵdyrdyń syıymen kelgen bul kún - men úshin úlken jaýapkershilik. Qazir ár qadamyma esep berip, árbir isime jaýapkershilikpen qaraımyn. Kúsh-jigerimdi Otanymdy kórkeıtýge, gúldendirýge jumsaımyn. Halqymnyń baqytty bolýyn qalaımyn. Asqaq eldiń armany bıik, adastyrmaıtyny kámil. Qandaı qyzmetti bolsa da, minsiz atqarýǵa kúsh salamyn. Men Táýelsizdikti osylaı túsinemin»,- dedi Azamat.

Azamat qashanda óziniń elgezek minezimen erekshelenip turady. Aǵa býynǵa inilik izgi qasıetin kórsetip, kishilerge qamqorlyq tanytyp júrgenin jıi baıqaımyz. Óziniń qyzmetinde áriptesterimen oı bólisip, jumystyń júıelenýine kóńil bóledi.

«Erkin, táýelsiz elde ómir súrý adamnyń alańsyz, baqytty ǵumyrynyń kepili bolmaq. Táýelsizdik - qasterli uǵym. Táýelsizdiktiń tuǵyrly, berik bolýy - eldegi árbir adamǵa baılanysty. Ata-babalarymyz ańsaǵan azattyǵymyzdyń baǵasyn bilgenimiz abzal», - dedi Azamat.

Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT