+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Ataýly áleýmettik kómekti tóleý sharttary qaıta qaralady

2019 jylǵy 7 qazan 14:27
Bólisińiz:
Ataýly áleýmettik kómekti tóleý sharttary qaıta qaralady

NUR-SULTAN. QazAqparat – Ataýly áleýmettik kómek tóleý sharttary qaıta qarastyrylady. Bul týraly búgin Ortalyq kommýnıkatsııalar qyzmetindegi baspasóz máslıhatynda QR Eńbek jáne halyqty áleýmettik qorǵaý mınıstri Birjan Nurymbetov aıtty, dep habarlaıdy QazAqparat tilshisi.

«Ataýly áleýmettik kómek alatyn balalardyń 60 paıyzdan astamy kópbalaly otbasydan shyqqan. Sondyqtan biz olar úshin respýblıkalyq bıýdjetten jekelegen memlekettik járdemaqy engizýdi josparlap otyrmyz. Ol elimizdegi barlyq kópbalaly otbasylarǵa tólenedi. Atalǵan járdemaqynyń kólemi balalar sanyna qaraı saralanǵan bolady. Ortasha eseppen bir balaǵa 10-11 myń teńdegen beriledi. Jalpy mólsheri 2018 jyldan toqtatylǵan osyndaı járdemaqy mólsherinen 4-7 ese artyq», - dedi Birjan Nurymbetov.

Osy oraıda mınıstr ataýly áleýmettik kómek kópbalaly otbasylarǵa tólene beretindigin jáne onyń tetikteri qandaı ekenin aıtty.

«Az qamtylǵan otbasylardy anyqtaıtyn eń tómengi kúnkóris sheginen 70 paıyzdyq krıterıı qala beredi. Otbasynyń árbir múshesine ataýly áleýmettik kómektiń mólsheri buǵan deıingideı otbasynyń jan basyna shaqqandaǵy ortasha kirisi men eń tómengi kúnkóris sheginiń 70 paıyzy arasyndaǵy aıyrma retinde anyqtalady. AÁK alý protsedýrasy men sharttaryn qaıta qarastyramyz. Menińshe, protsedýra men sharttary kóp bolǵan saıyn halyqqa da úlken problema jasaımyz. Al bul buzýshylyqtarǵa jol berýge negiz bola túsedi», - dedi mınıstr.

Sonymen qatar ol AÁK toqsan saıyn taǵaıyndap, tóleý júıesi qaıta qolǵa alynatyndyǵyn atap ótti.

«Qazirgi ýaqytta ol 6 nemese 12 aıǵa taǵaıyndalady. Menińshe, onda problema bolmaýy tıis. Sebebi búginde AÁK alý úshin qujattardy usynýdyń qajeti joq. JSN men ótinish bolsa jetkilikti. Ýchaskelik komıssııalardyń da jumysyn kúsheıtemiz. Eńbek mınıstrligi qajettilik krıterııin anyqtap, ony ýchaskelik komıssııalarǵa jettkizedi. Komıssııa tekserip, sheshim shyǵarýy úshin ýaqytty birshama uzartamyz», - dedi ol.

Eske salaıyq, QR Eńbek jáne halyqty áleýmettik qorǵaý mınıstri Birjan Nurymbetov búgin Úkimet otyrysynda ataýly áleýmettik kómekti berýdiń qoldanystaǵy júıesin ózgertetin zań jobasyn tanystyrdy. Basty baǵyt - eńbekke yntalandyrý, azamattardyń tabystaryn jáne memlekettik qoldaý mólsherin esepke alýǵa qatysty ashyqtyq pen ádilettikti qamtamasyz etý.

Jańa zań jobasynda kópbalaly otbasylarǵa memlekettik járdemaqyny tabysyna qaramastan tóleý usynylyp otyr. Ol balalardyń sanyna qaraı 42500 teńgeden 73 myń teńgege deıin saralanǵan mólsherde beriledi.

Sondaı-aq mınıstr ataýly áleýmettik kómek tóleýdiń jańa sharttaryn atady. Budan bólek, tabysy az otbasyndaǵy balalarǵa kepildi áleýmettik toptama engizilmek.

Málimetke sáıkes, tabysyn jasyrý arqyly AÁK-ti zańsyz alǵan 73 azamat memleketke 156 mln teńge qaıtardy.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT