+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Ataýly áleýmettik kómekti toqtatý, zańsyz alý jáne shara qoldaný  - mınıstrlik ókili jaýap berdi

2019 jylǵy 6 qarasha 12:38
Bólisińiz:
Ataýly áleýmettik kómekti toqtatý, zańsyz alý jáne shara qoldaný  - mınıstrlik ókili jaýap berdi

NUR-SULTAN, QazAqparat - Bıyl 1 sáýirden bastap kópbalaly otbasylarǵa arnalǵan 21 myń teńge týraly zań kúshine engen bolatyn. Sońǵy ýaqytta aqshalaı kómekti zańsyz alýshylar týraly aqparat keńinen tarap, qoǵamda daý týdyrǵan máselege aınaldy. Osyǵan oraı Eńbek jáne halyqty áleýmettik qorǵaý mınıstrligi Áleýmettik kómek saıasatyn damytý departamentiniń basqarma basshysy Aıajan Janǵabylova birqatar suraqqa jaýap berdi, dep habarlaıdy QazAqparat tilshisi.

Uqsas jańalyqtar
Túrkistan oblysynda AÁK tóleýde olqylyqqa jol bergen sheneýnikter jazalanady Áleýmettik sala mamandaryna AÁK taǵaıyndaýdyń jańa tetikteri túsindirildi 2019 jyly bıýdjetten 162 mlrd teńgeden astam qarjy balalar járdemaqysyna tólengen

25,1 MYŃ OTBASYǴA ATAÝLY ÁLEÝMETTІK KÓMEK TÓLEMDERІ TOQTATYLDY

- Otbasynyń ataýly áleýmettik kómekti zańsyz alǵany qalaı anyqtaldy?

- Eńbek jáne halyqty áleýmettik qorǵaý mınıstrligi «E-Halyq» aqparattyq júıesi arqyly ataýly áleýmettik kómektiń taǵaıyndalýy men tólenýiniń durystyǵyna turaqty túrde monıtorıng júrgizip keledi. Sonymen qatar, jergilikti atqarýshy organdar, múddeli memlekettik organdarmen birlesip, monıtorıng nátıjesinde anyqtalǵan faktiler boıynsha ýchaskelik komıssııalarmen birge úı aralaımyz.

- Qansha adam osy kómek túrin zańsyz aldy? Statıstıka bar ma?

- «E-Halyq» aqparattyq júıesi arqyly júrgizilgen monıtorıng nátıjeleri AÁK alýshylardyń jalǵan aqparat usynýynyń 73,8 myń faktisin anyqtady. Nátıjesinde, búginde 25,1 myń otbasyǵa tólem toqtatyldy, 5,1 myń otbasyǵa tólemder ýaqytsha toqtatyldy, 40,5 myń otbasyǵa qaıta esepteldi.

852 MALY BAR OTBASY ÁLEÝMETTІK KÓMEK ALYP KELGEN

- Ataýly áleýmettik kómekti zańsyz alǵany anyqtalǵannan keıin, soǵan deıin alyp kelgen qarajatty memleketke qaıtarǵan jaǵdaılar boldy ma?

- Búgingi tańda zańsyz bólingen AÁK-tiń bıýdjetke qaıtarymy 307,8 mln teńgeni qurady.

- Basynda birneshe úı, kóligi bar adamdar da ataýly áleýmettik kómek alyp kelgen faktilerdi keltire alasyz ba?

- Monıtorıng nátıjeleri AÁK alýshylar jalǵan aqparat bergeni anyqtaldy. Mysaly, Almaty oblysynda birneshe úıi bar jeti januıa osy jyldyń 11 maýsymynan bastap AÁK alǵan, biraq tekserý barysynda bul otbasynyń atyna 852 maly bar ferma tirkelgeni anyqtaldy.

ARTYQ TÓLENGEN SOMALAR ERІKTІ TÚRDE NEMESE SOT ARQYLY QAITARYLADY

- Ataýly áleýmettik kómekti zańsyz alǵandarǵa qandaı shara qoldanylady?

- Qoldanystaǵy zańnamaǵa sáıkes, eger alýshy AÁK mólsherine áser etetin mán-jaılar týraly ýaqtyly habarlamasa, kómek mólsheri kórsetilgen jaǵdaılar týyndaǵan kezden bastap qaıta esepteledi, biraq ol taǵaıyndalǵan kúnnen erte emes jáne eger ótinish berýshi AÁK-niń zańsyz taǵaıyndalýyna ákep soqtyratyn jalǵan aqparat berse, tólem adamǵa (otbasyna) AÁK taǵaıyndalǵan merzimge toqtatylady. Artyq tólengen somalar erikti túrde, al bas tartqan jaǵdaıda sot arqyly qaıtarylýy kerek.

Aıta keterligi, Egov portalynda, mınıstrliktiń resmı ınternet-resýrsynda mártebeni tekserý boıynsha aqparattyq júıege suraý jiberý úshin ınterfeıs ázirlendi (ol úshin JSN engizip, suraý salýdy jiberý qajet) jáne elektrondyq úkimet portalynyń basty betinde ornalasqan «boryshtyq júktemeni tómendetý boıynsha baǵdarlamaǵa qatysý úshin mártebeni tekserý» elektrondyq servısiniń kómegimen (ol úshin ETsQ qajet bolady).

Eske sala ketsek, buǵan deıin 12,6 mln teńge aılyq tabysy bar kásipkerge ataýly áleýmettik tólem taǵaıyndalǵany týraly jazǵan bolatynbyz. Otbasynyń ortasha kirisi bir adamǵa 700 myń teńgeden astamdy quraǵan, bul - AÁK alý krıterıılerinen 34 ese joǵary.

Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT