+7 (701) 759 90 19
USD 447.67 EUR 491.36
RUB 5.74 CNY 63.07
Jańalyqtar

Atameken Business telearnasynda efırge vırtýaldy júrgizýshi shyǵady

2020 jylǵy 19 aqpan 12:56
Bólisińiz:
Atameken Business telearnasynda efırge vırtýaldy júrgizýshi shyǵady

NUR-SULTAN. QazAqparat – Alǵashqy qazaqstandyq vırtýaldy júrgizýshiniń prototıpi – tanymal akter Sanjar Mádı, dep habarlaıdy QazAqparat.

Jańa jobanyń shyǵarylýy týraly telearna dırektory Qanat Saharııa óziniń Facebook paraqshasynda habarlady.

«Dostar, bizde Qazaqstan úshin tamasha jańalyq bar. Búgin bizdiń «Atameken Business» telearnasynda saǵat 14.00-15.00-de «Kúndizgi format» ýaqytynda biz biregeı jobany, vırtýaldy júrgizýshini iske qosamyz», - dep jazdy Qanat Saharııa.

«Jasandy ıntellektke negizdelgen baǵdarlamalyq jasaqtama teledıdar júrgizýshisiniń aýdıovızýaldy beınesin jasaı otyryp, mátindi grafıka men dybysqa túrlendiredi. Vırtýaldy júrgizýshi tanymal qazaqstandyq akter Sanjar Mádıdiń obrazynda jasaldy, ol meniń bul biregeı jobaǵa qatysý týraly usynysyma qýana jaýap berdi», - dedi bas dırektor.

Onyń aıtýynsha, bul jobaǵa bir jylǵa jýyq ýaqyt ketken.

«Qazaqstandyq baǵdarlamashylardyń tolyǵymen ázirlep shyqqan IT-ónimi — erekshe maqtanysh. Biz aldyn-ala habarlaǵan joqpyz, óıtkeni bári óte kúrdeli jáne qaýipti boldy. Bizdiń jetistikke jetetinimizge eshkim kepildik bere almaıdy. Qabyldanbaǵan materıaldar kóp boldy, biraq biz ony aıaqtadyq. Grafıkalyq artıkýlıatsııany dybystyq jolmen úndestirý óte qıyn boldy», - dep jazdy Q. Saharııa.

Birinshi vırtýaldy júrgizýshi Qytaıda eki jyl buryn paıda boldy. Qazaqstandyq vırtýaldy teledıktordy ISanj dep ataǵan. Arnanyń resmı paraqshasynda habarlanǵandaı, ol búgin saǵat 14.00-de Bloomberg-ten «Kún formatynda» eksklıýzıvti saraptama júrgizedi.


Bizdiń kanalymyzǵa jazylyńyz:

Basty sózder: BAQ, Aqparattyq tehnologııalar,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT