Astananyń 300-den astam turǵynyna páter kiltteri tabystaldy
2022 jylǵy 6 shilde 08:46

Astananyń 300-den astam turǵynyna páter kiltteri tabystaldy

NUR-SULTAN. QazAqparat – Astana kúni qarsańynda úı kezeginde turǵan 300-den astam elordalyqqa páter kiltteri tabystaldy, dep habarlaıdy QazAqparat Nur-Sultan qalasy ákimdiginiń resmı saıtyna silteme jasap.

Kezekte turǵandardyń arasynda jetim balalar, tolyq emes otbasylar, erekshe qajettilikteri bar balalardy tárbıelep otyrǵan otbasylar, kópbalaly otbasylar, І jáne ІІ toptaǵy múgedekter, zeınetkerler bar. Páterlerdiń bir bóligi jumys isteıtin jastarǵa arnalǵan baǵdarlama boıynsha berildi.

«Jalǵa beriletin turǵyn úıge ótinim qabyldaý bastalǵanyn bilgen soń, baǵymdy synap kórgim keldi. Sebebi, men 29 jasqa tolatyn edim, baǵdarlamaǵa qatysatyn sońǵy múmkindigim bolatyn. Jańa jyl qarsańynda, ıaǵnı 31 jeltoqsan kúni keshke turǵyn úı qorynyń sertıfıkaty men quttyqtaý haty kelgende sener-senbesimdi bilmeı abdyrap qalyppyn. Mine, az ǵana ýaqyttan keıin páter kilti tabystalyp otyr. Jumys isteıtin jastarǵa osyndaı múmkindik berip otyrǵany úshin memleketke rızamyn», - dep eki bólmeli páter alǵan Baǵdat qýanyshymen bólisti.

Turǵyn úı kesheni Uly Dala dańǵylynda, Nura-Esil arnasynyń qasynda ornalasqan jáne Jetisu bıgvılline kiredi. Munda turǵyn úılerden bólek, mektep, damytý ortalyǵy, saýda úıi jáne t.b. nysandar qurylysy josparlanǵan.

«Memleket basshysynyń tapsyrmasy boıynsha elordada qoljetimdi áleýmettik turǵyn úı qurylysynyń kólemi ulǵaıtyldy. Mysaly, 2018 jyly – 1 100 páter, 2019 jyly – 2 900, 2020 jyly – 7 000, 2021 jyly – shamamen 10 000 páter salyndy. Qurylys kólemin saqtaý kerek. Ol úshin qurylys ındýstrııasynyń bári jumyldyrylǵan: jergilikti zaýyttar da, úı qurylysy kombınattary da», - dedi qala ákiminiń orynbasary Nurlan Nurkenov páter kiltin tapsyrý rásiminde.

Foto: Aleksandr Kýprıenko
Uqsas jańalyqtar
Seriktester jańalyqtary

Jańalyqtar

Úrdis

MURAǴAT