Astanalyqtar sábılerine qandaı esimderdi jıi qoıady

NUR-SULTAN. QazAqparat – Elorda turǵyndary sábılerine eń jıi qoıatyn esimder belgili boldy, dep habarlaıdy QazAqparat.

Uqsas jańalyqtar

Byltyr elektrondyq formattaǵy ákimshilik hattamalar men nusqamalar 6 mln-nan asty

Qazaqstanda osy ýaqytta 26 myńǵa jýyq adam koronavırýstan emdelip jatyr Qazaqstanda ótken táýlikte koronavırýs pnevmonııasynan 1 adam qaıtys boldy

Nur-Sultan ákimdiginiń resmı saıtynda jarııalanǵan aqparatqa sáıkes, bıyl dúnıege kelgen ul balalarǵa eń kóp qoıylǵan esim – Ramazan (97). Odan keıingi oryndarda Ámir (95), Álıhan (87), Alan (73) jáne Álı (72) esimderi tur.

Statıstıkalyq málimetter Omar, Makar, Ámire, Mıron, Tımofeı, Demıd, Ibragım sııaqty esimder qaıta tanymal bola bastaǵanyn kórsetedi. Jańa týǵan er balalar arasynda kezdesetin erekshe esimder: Inaıat, Ramıs, Dalen, Daler, Adrıel Archı, Azarıı, Arbı.

Al qyz balalar arasynda bıyl Medına (150) esimi kóp berilgen. Top 5-te sondaı-aq, Aılın (149), Aıala (114), Aısha (113) jáne Amına (105) esimderi bar. Sırek kezdesetin esimder: Alısha, Arýnaz, Safına, Hanıfa, Evelına, Aıshabıbi, Imona, Avrora, Teıa, ıAssaýına.

Aıta keteıike, Nur-Sultan qalasynda 2020 jyldyń sońǵy alty aıynda 14 123 bala dúnıege keldi.
Qalalyq qoǵamdyq densaýlyq saqtaý basqarmasy basshysynyń ana men bala densaýlyǵyn qorǵaý jónindegi orynbasarynyń mindetin atqarýshy Tatıana Bıshoraevanyń aıtýynsha, elordada egizder men úshemder sany artqany baıqalady. Elorda perzenthanalarynda 93 egiz (ótken jyly – 77) jáne úsh úshem (byltyr – 1) týǵan.

Kún saıyn elordada 60-110 bala dúnıege keledi.