+7 (701) 759 90 19
USD 414.13 EUR 451.40
RUB 5.80 CNY 58.03
Jańalyqtar

Astanalyq polıtseı tolǵatqan áıelge ekinshi ret kómektesti

2020 jylǵy 5 sáýir 15:12
Bólisińiz:
Astanalyq polıtseı tolǵatqan áıelge ekinshi ret kómektesti

NUR-SULTAN. QazAqparat - Elorda polıtseıleri júkti áıeldiń perzenhanaǵa der kezinde jetýine kómektesti, dep habarlaıdy QazAqparat tilshisi Nur-Sultan qalalyq polıtsııa departamentiniń baspasóz qyzmetine silteme jasap.

«4 sáýir kúni 01.55 ýaqytynda Qosshy postyna Qabanbaı batyr jaqtan Audi markaly kólik keledi. Onyń ishinde bosanǵaly jatqan kelinshek pen ata-anasy bolǵan. Alańdaǵan ata-ana qyzynyń tolǵaǵy bastalyp, tez arada perzenthanaǵa jetý kerek ekenin aıtqan», dep habarlady baspasóz qyzmeti.

Postta kezekshilikte turǵan aǵa leıtenant, jol-patrýldik polıtsııa arnaıy batalonynyń ınspektory Erlan Isaev áıeldiń polıtsııa kóligine aýysyp otyrýyna kómektesken. Karantın rejımine baılanysty qyzdyń ata-anasyn «jaqsy jańalyq kútińizder» dep úıine jiberedi.

«Erlan Isaev basqa polıtseılerge aldyn ala habarlasyp, tolǵatqan áıeldi áketip bara jatqanyn eskertip, Rysqulbekov kóshesimen 10 mınýttyń ishinde perzenthana jetkizedi. Polıtsııa qyzmetshisi júkti áıeldi dárigerlerdiń qolyna sátti tabystaǵan. 24 jastaǵy turǵyn der kezinde kómek kórsetkeni úshin polıtseılerge alǵys bildirdi. Bul áıeldiń úshinshi balasy», - dep tolyqtyrdy departamenttegiler.

Baspasóz qyzmetindegilerdiń aıtýynsha, blokposttar jumysyn bastaǵan sátten beri polıtseıler úshinshi ret júkti áıeldi perzenhanaǵa jetkizip otyr. Bunyń aldyndaǵy oqıǵa da Erlan Isaevtyń kezekshiligine týra kelgen. Polıtseı ol kezde jetinshi balasyn bosanatyn 37 jastaǵy áıeldi jedel aýrýhanaǵa jetkizgen bolatyn.


Bizdiń kanalymyzǵa jazylyńyz:

Basty sózder: Nur-Sultan, Oqıǵa, Koronavırýs,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT