+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Astanalyq órt sóndirýshiler 4 jasar balany qutqaryp qaldy

2018 jylǵy 13 qazan 20:40
Bólisińiz:
Astanalyq órt sóndirýshiler 4 jasar balany qutqaryp qaldy

ASTANA. QazAqparat - Búgin elordada kezekti qutqarý oqıǵasy boldy, dep habarlaıdy QazAqparat jergilikti TJD baspasóz qyzmetine silteme jasap.

«Kúndizgi saǵat 15:45-te Ǵabdýllın kóshesinde balanyń qulaǵaly turǵany jaıly habar kelip tústi. Arada 8 mınýt ótkende 2-shi mamandandyrylǵan órt sóndirý bólimshesiniń qyzmetkerleri oqıǵa ornyna jetip, 9 qabatty turǵyn úıdiń 2-qabatynyń terezesinde kishkentaı balanyń qulaýǵa shaq qalǵanyn anyqtady. Qutqarýshylar úsh baǵandy baspaldaqty 2-qabattyń terezesine qoıyp, tez arada balany qutqardy» delingen TJD habarlamasynda.

2-shi mamandandyrylǵan órt sóndirý bólimshesiniń komandıri Arman Sataıbaev pen aǵa qutqarýshy Erlan Hamıtbekovtyń jedel ári baıypty is-áreketiniń arqasynda 2014 jyly týǵan búldirshin aman qaldy. Qazir onyń jaǵdaıy qanaǵattanarlyq. Bala úıde úlkenderdiń baqylaýynsyz jalǵyz qalyp qoıǵan eken.

Astana qalalyq TJ departamenti balalardy qaraýsyz qaldyrmaýdy suraıdy. Bıiktikten qulaý oqıǵalary kóp jaǵdaıda ata-anasy balanyń bir ózin ońasha qaldyryp ketken jaǵdaıda oryn alady.

«Terezedegi torǵa senbeńizder. Olar balany qulaýdan saqtaýǵa arnalmaǵan. Kerisinshe, tor qaıǵyly oqıǵaǵa sebepshi bolady, óıtkeni bala onyń beriktigine senip, terezege súıengendeı oǵan da alańsyz súıenedi. Sóıtip tótenshe jaǵdaı oryn alady. Sondaı-aq balalardy eresekterdiń baqylaýynsyz balkonǵa shyǵarmaýǵa tyrysyńyzdar. Uıyqtap jatqan balany eshqashan páterde jalǵyz qaldyrmańyzdar. Ol oıanyp, terezege qaraı órmeleýi múmkin. Balalarǵa barynsha abaı bolyńyzdar», - dep eskertedi TJD qala turǵyndaryna.

Bizdiń kanalymyzǵa jazylyńyz:

Bólisińiz:

Avtor:

Janat Qapalbaeva

Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT