Jańalyqtar  >
  Astana

Astanalyq kásipkerler múlik ıeleri birlestikteri ústinen shaǵymdandy

2022 jylǵy 6 qazan, 13:54
Astanalyq kásipkerler múlik ıeleri birlestikteri ústinen shaǵymdandy

ASTANA. QazAqparat – Astanadaǵy kóppáterli turǵyn úı keshenderinde ornalasqan kommertsııalyq nysandardyń ıeleri múlik ıeleri birlestikteriniń áreketterine shaǵymdanýda. Astana qalasynyń kásipkerler palatasynda ótken jıynda osy shaǵymdar talqylandy, dep habarlaıdy QazAqparat tilshisi.

«Kásipkerler palatasyna kásipkerlik sýbektilerinen múlik ıeleri birlestikteriniń áreketterine baılanysty kóptegen shaǵymdar kelip túsýde. MIB – páter ıeleri kooperatıvteriniń ornyna jańadan qurylǵan jańa ınstıtýt. MIB arqyly turǵyn úı ıelerine ǵımaratty ózderiniń basqarýyna múmkindik berildi. Osy turǵydan úı ıeleri men sol ǵımarattan kásipkerlik nysanyn ashqan azamattardyń arasynda túsinispeýshilikter bolyp jatyr. Biz bul máseleler zańnamalyq turǵydan rettelmegen jáne osyǵan baılanysty qaqtyǵystar bolyp jatyr dep esepteımiz. Kóbinese turǵyn úıge kiriktirip salynǵan úı-jaılardyń ıeleri úıdi basqarý organdaryna, tekserý komıssııasyna, úı keńesine alynbaıdy. Osylaısha, olar óz múddelerin qorǵaı almaıdy nemese úıdi basqarý týraly óz ıdeıalaryn usyna almaıdy. Turǵyn úı ıeleriniń búkil derlik sheshimderi kiriktirilgen úı-jaı ókilderiniń pikirlerin eskerýsiz qabyldanady. Olardyń bári kásipkerler deýge bolady. Ásirese kásipkerlerge tarıfti tym joǵary etip belgileý, kásipkerlik qyzmetti júzege asyrýǵa kedergi keltiretin shlagbaým ornatý sııaqty kedergiler jıi ushyrasady», - deıdi Astana qalasy kásipkerler palatasy dırektorynyń orynbasary Jeńis Shajanbaev.

Sondaı-aq ol turǵyn úı ǵımaratynan kásipkerlik nysanyn ashqan tulǵalar óz mengishigine qandaı dabirózgerisengizýúshin múlik ıeleri birlestiginen ruqsat suraýy kerek ekenin aıtady. Bul da kásipkerler úshin aıtarlyqtaı kedergi kórinedi.

«Biz bul zańda solaı jazylǵanyn túsinemiz,al úı ıeleri bizdiń problemalaryzdy túsine bermeıdi. Turǵyn úı qatynastary týraly zańdy reformalaý qajettigi týraly ustanym bizdiń alańnan birneshe ret aıtyldy. Kommertsııalyq turǵyn úı ókilderi, salalyq qaýymdastyqtar kommertsııalyq kondomınıým ınstıtýtyn qurý qajet degen bastamany birneshe ret kóterdi. Bul usynystar qoldaý tapsa, turǵyn úıge kiriktirilgen úı-jaılardyń ıeleriniń múddeleri tolyǵymen qamtylar edi. Ondaı erejeler kóptegen kelispeýshilikti boldyrmas edi. Baqylaý-qadaǵalaý organdarynyń, ýákiletti organdardyń ókilderi qoldanystaǵy zańnamany reformalaýdyń qajeti joq dep sanaıdy. Biraq tájirıbe olaı emes ekeni kórsetip tur», - deıdi kásipkerler palatasynyń ókili.

Ol óz sózine mysal da keltirdi.

«Mysaly, bıznes ortalyqtaryn alyńyz. Másele mynada, olar óz qyzmetin obekt retinde júzege asyrady. Biraq bıznes ortalyqtary men kiriktirilgen keńistikterge qatysty ortaq kondomınıým týraly zań qajet. Búginde bir turǵyn úıkeshenine 9 kásipker júgindi. Bizge aı saıyn eki-úsh ret osyndaı shaǵymdar túsedi. Biz ýákiletti organdarǵa joldaımyz, biraq tıisti nátıje shyǵyp jatqan joq», - dedi Jeńis Shajanbaev.

Sondaı shaǵym túsirýshilerdiń biri –kásipker Oksana Fılıppova

«Biz turǵyndar tarapynan túsinispeýshilikke tap kelip otyrmyz. Sondaı-aq,bizge tym joǵraytarıfter belgilenedi. Zań boıynsha biz turǵyn úıler men turǵyn emes úı-jaılardyń ıesimen birdeı quqyqtarymyz bar. ıAǵnı, bizdiń quqyqtarymyz buzylǵan. Qazirgi tarıf boıynsha bizturǵyn úıdińtarıf shyǵyndarynyń shamamen 40% tóleýimiz kerek. Bul kásipkerler úshin úlken júk. Biz turǵyndarmen kelisimige kelýge talpynsaq ta, qarsy taraptan jaýap joq. Sondyqtan biz qazir tıisti ınstantsııalarǵa júginip bastadyq. Turǵyndarǵa salsaq, turǵyn kireberis toraptaryn, shuǵyl isteýdi qajet etetin usaq-túıek jóndeý jumystarynyń bárin bizdiń kóterip alǵanymyzdy qalaıdy», - dedi kásipker Oksana Fılıppova.

Atalǵan shaǵymdarǵa «Aıqamal» qaýymdastyǵynyń prezıdenti Gúlvıra Ádetova pikir bildirdi.

Onyń paıymynsha, múlik ıeleri birlestikteri men kásipkerler arasyndaǵy qazirgi túsinispeýshilikter tıisti zańdardy ózgertýge negiz bola almaıdy.

Alaıda turǵyn úı qatynasyn retteıtin zań aıasyndaǵy normatıvtik aktilerdi qaıta qaraýǵa bolady. Ol úshin kásipkerler turǵyndarymen, ıaǵnı páterlerdiń ıelerimen bir ymyraǵa kelip, máseleni óz bastamalarymen talqylaýǵa shyǵarýy kerek.


Uqsas jańalyqtar
Seriktester jańalyqtary

Jańalyqtar