+7 (701) 759 90 19
USD 377.09 EUR 407.37
RUB 5.93 CNY 53.95
Jańalyqtar

Astanalyq dombyrashy balalar Dýbaıdan júldemen oraldy

2020 jylǵy 21 qańtar 23:48
Bólisińiz:
Astanalyq dombyrashy balalar Dýbaıdan júldemen oraldy

NUR-SULTAN. QazAqparat – Birikken Arab Ámirlikteriniń Dýbaı qalasynda ótken «DUBAI EAST VISION» halyqaralyq baıqaýynda el namysyn qorǵaǵan astanalyq jas ónerpazdar 1-orynǵa ıe boldy. Elordalyq dombyrashy balalardyń jetistigi týraly top jetekshisi Álııa Ahmetova QazAqparat tilshisine aıtyp berdi.

Uqsas jańalyqtar

«Dubai EAST ViSION» halyqaralyq baıqaýy 8-14 qantar kúnderi ótti. Birneshe nomınatsııa boıynsha ótken baıqaýǵa Nur-Sultan qalasynan Oqýshylar saraıynyń ónerpazdary 2 topta qatysty. Birinshisi - kishi top. Olar qazaq ult aspaptar ansambli, ıaǵnı dombyra, qobyz, shańqobyz jáne jetigen aspaptarynda óner kórsetti. Al ekinshisi - orta top taza dombyrashylardan quralǵan. Baıqaýǵa jalpy sany 17 bala qatysty. Eki topta óz nomınatsııasy boıynsha 1-orynǵa ıe boldy», - dedi Álııa Ahmetova.

Onyń aıtýynsha, aıtýly básekede bizdiń elden bólek Reseı, Kýveıt, Saha Respýblıasy, Ýkraına jáne Ispanııa eliniń jas ónerpazdary baq synaǵan. Jáne halyqaralyq baıqaý aspap, vokal, horeografııa, sýret salý jáne teatr nomınatsııalary boıynsha ótti.


«Baıqaýda eki top birneshe ulttyq shyǵarmamyzdy kópshilikke tartý etti. Atap aıtar bolsaq, «Qara jorǵa», halyq kúıleri «Tepeńkók», «Sekirtpe» jáne birneshe halyq kúılerinen quralǵan popýrrı «Kúı shashýdy» oryndady. Balalardyń eń jasy - 8-de, al eń úlkeni - 12-13 jasta. Taǵy bir aıta keterligi - kishi toptaǵy balalar úlken sahnaǵa birinshi ret shyqty. Sebebi olar aspaptar úıirmesine taıaýda ǵana jazylǵan. Buǵan deıin tek qalalyq sahnalarǵa shyǵyp júrdi, soǵan qaramastan baıqaýda ózderin joǵary dárejede kórsete bildi. Shynyn aıtsaq, biz úshin 1-orynnan góri ulttyq aspabymyzdyń álem sahnasynda estilýi mańyzdy. Bastysy - qalyń kórermen búldirshinderimizdiń ónerine razy boldy. Ásirese bizdiń ulttyq kıimderimizge qyzyǵýshylyq tanytyp, balalarmen sýretke túsýshiler kóp boldy», - deıdi ol.




Bizdiń kanalymyzǵa jazylyńyz:

Basty sózder: Nur-Sultan, Bilim, Mádenıet, Óner,
Bólisińiz:

Avtor:

Álı Ibraev

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT