+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

Astanadaǵy saýda ortalyqtary demalys kúni jumys isteı me

2020 jylǵy 27 qazan 17:00
Bólisińiz:
Astanadaǵy saýda ortalyqtary demalys kúni jumys isteı me

NUR-SULTAN. QazAqparat - Búgin Nur-Sultanda elorda ákiminiń orynbasary Baqtııar Máken men iri saýda ortalyqtary men bazar basshylary arasynda kezdesý ótti, dep habarlaıdy QazAqparat.

Uqsas jańalyqtar
Jeltoqsan men qańtarda karantın qatańdaýy múmkin Jaǵdaı kúrdelense, karantın rejımin kúsheıtemiz - Baqytjan Saǵyntaev Astanada saýda oıyn-saýyq ortalyqtaryna senbi kúni jumys isteýge ruqsat berildi

Qalalyq ákimdiktiń málimetinshe, bas sanıtar dáriger Janna Pirálıeva óz sózinde atap ótkendeı, elordada indet juqtyrý jaǵdaılary jıilegeni baıqalady. Bul, basqalarmen qatar, ShOB ókilderi men azamattardyń karantın tártibin óreskel buzýymen baılanysty.

«Profılaktıkalyq jumystarǵa qaramastan, kásipkerlik sýbektileri karantın tártibin buzýda, buqaralyq is-sharalar ótkizilýde, mekemelerdiń jumys kestesi buzylǵan. Sonymen qatar, qalada aýrý sany artyp keledi. Bul degenimiz - biz jasyl aımaqtan alshaqtaımyz. Aýrý jaǵdaılary mektep jasyndaǵy jáne bir jasqa deıingi balalar arasynda da tirkelýde», - dedi Janna Pirálıeva.

Negizgi qaýipsizdik erejelerin elemeý COVID-19 ekinshi tolqynyna ákelýi múmkin. ShOB ókilderi men qala turǵyndary sanıtarlyq normalardyń saqtalýyna úlken jaýapkershilikpen qaraýy kerek.

«Ár aımaq óz deńgeıinde sheshim qabyldaıdy. Biz sondaı-aq bıznestiń jumys istegenin qalaımyz, biz bul jumys, tabys jáne ekonomıka ekenin túsinemiz. Biraq kásipkerler óz tarapynan talaptardy oryndaýy kerek. Keıbir saýda ortalyqtary maska taǵý tártibin saqtamaıdy jáne temperatýrany teksermeıdi. Qabyldanyp jatqan sharalarǵa túsinistik tanytýdy suraımyz, bizdiń ortaq mindetimiz - eń aldymen aýrýdyń qaıta órýshiniń aldyn alý», - dedi Nur-Sultan qalasy ákiminiń orynbasary Baqtııar Máken.

Jıyn sońynda saýda ortalyqtarynyń demalys kúnderindegi jumysyn qaıta qalpyna keltirý qaladaǵy epıdemıologııalyq jaǵdaıǵa jáne ShOB-tyń sanıtarlyq normalardy saqtaýyna baılanysty bolatyny aıtyldy.

Demalys kúnderi saýda-oıyn-saýyq ortalyǵynyń jumysyn qalpyna keltirý tolyǵymen nysandardyń barlyq sanıtarlyq normalardy saqtaýǵa daıyndyǵyna baılanysty.

Ár azamattyń jaýapkershiligi epıdemıologııalyq jaǵdaıǵa áser etedi, sondyqtan barlyq elordalyqtardy karantın sharalaryn qatań saqtaýǵa shaqyramyz.


Bizdiń kanalymyzǵa jazylyńyz:

Bólisińiz:

Avtor:

Balnur Qojageldi

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT