Astanadaǵy kásipqoı boks: Danııar Eleýsinovtiń qarsylasy rıngke shyqpaıtyn boldy
2021 jylǵy 30 qarasha 03:19

Astanadaǵy kásipqoı boks: Danııar Eleýsinovtiń qarsylasy rıngke shyqpaıtyn boldy

NUR-SULTAN. QazAqparat – Meksıkalyq Dante Hardon (41-7, 25 KO) IBO nusqasy boıynsha jartylaı orta salmaqtaǵy álem chempıony tıtýly úshin qazaqstandyq boksshy Danııar Eleýsinovpen (10-0, 6 KO) jekpe-jek ótkizbeıtin boldy, dep habarlaıdy QazAqparat.

Onyń sebebi – Hardonnyń jaraqaty. Ol qolyn syndyryp aldy. Dárigerler oǵan rıngke shyǵýǵa tyıym salyp otyr, dep jazady Sports.kz.

Aıta keteıik, Eleýsinov – Hardon kezdesýi 18 jeltoqsan kúni Nur-Sultan qalasynda QR Táýelsizdiginiń 30 jyldyǵyna arnalǵan kásipqoı boks keshinde ótýi tıis bolatyn. Danııar Eleýsinov birden eki tıtýl: IBF Inter-Continental nusqasy boıynsha álem chempıony jáne IBO tıtýly úshin qolǵap túıistiretini jazylǵan bolatyn.

Kesh aıasynda, sondaı-aq aýyr salmaqtaǵy boksshymyz Ivan Dychko (10-0, 10 KO) reseılik Aleksandr Ýstınovqa (36-5-1, 27 KO) qarsy shyǵady.

Budan bólek, Danııar Eleýsinovtiń inisi Dáýren Eleýsinov (8-1-1, 7 KO), Aıdar Sháribaev (8-1, 7KO), Dáýlet Dáýkenov (9-2, 4KO) óner kórsetetini josparlanǵan.

Profıboks keshi «Habar» telearnasynan kórsetiledi.



Uqsas jańalyqtar
Seriktester jańalyqtary

Jańalyqtar

Úrdis

MURAǴAT