+7 (701) 759 90 19
USD 388.81 EUR 429.01
RUB 6.08 CNY 55.49
Jańalyqtar

Astanadaǵy bes qyzdyń ólimi: Órt sóndirýshilerdi kórshiler shaqyrǵan

2019 jylǵy 4 aqpan 11:23
Bólisińiz:
Astanadaǵy bes qyzdyń ólimi: Órt sóndirýshilerdi kórshiler shaqyrǵan

ASTANA. QazAqparat - 3 aqpannan 4 aqpanǵa qaraǵan túni 02 saǵat 34 mınýtta «101» Ortalyq órt baılanys pýnktine «Kóktal» turǵyn alaby, Shyńǵystaý kóshesi, 5 mekenjaıynda ornalasqan sharýashylyq qurylysy janyp jatyr degen qońyraý shalyndy, dep habarlaıdy QazAqparat Astana qalasy TJD baspasóz qyzmetine silteme jasap.

Habarlama kórshilerden kelip túsken. Órt sóndirý qyzmetiniń kezekshi bólimsheleri kelgen boıda 7 mınýttan soń jeke turǵyn úıdiń aýmaǵynda 30 sharshy metrdi quraıtyn jeke turǵan ýaqytsha turǵyn úı qurylysynyń órtengeni anyqtaldy.

Órtti sóndirý barysynda 2006, 2008, 2014, 2016, 2018 jyly dúnıege kelgen 5 qyzdyń denesi tabyldy. Órttiń sebebi anyqtalýda. Oqıǵa ornynda Órt-synaq zerthanasy jumys istep jatyr. Órtti sóndirýge jeke quramnan 15 adam jáne 4 tehnıka jumyldyryldy.

Jylytý maýsymy aıasynda Departamenttiń ınjenerlik-ınspektorlyq quramy atalǵan mekenjaı boıynsha turǵyn úı sektorynda órt qaýipsizdik qaǵıdalaryn túsindirýmen jáne profılaktıkalyq jadnamalar taratýmen reıdtik sharalaryn júrgizdi.

Astana qalasy Tótenshe jaǵdaılar departamenti elorda turǵyndary men qonaqtaryn jazataıym jaǵdaılardy boldyrmaý úshin abaı jáne saq bolýdy suraıdy.

«Aqaýy bar nemese qoldan jasalǵan elektr jabdyqtaryn paıdalanbańyz, qosýly turǵan elektr jabdyqtaryn qaraýsyz qaldyrmańyz;

Jyl boıy keminde úsh aıda bir ret, sondaı-aq jylytý maýsymy aldynda pesh pen murjany kúıeden tazalańyz;

Janyp turǵan peshti qaraýsyz qaldyrmańyz, jas balalarǵa janyp jatqan peshti qaraýdy tapsyrmańyz;

Úı aýlasyndaǵy aýmaqtardy taza ustaý, qoqystar men qaldyqtardy jaqpaý, ystyq kómir men kúldi qurylysqa jaqyn tókpeńiz;

Zattardy, kıimderdi peshke jaqyn keptirmeńiz;

Balalardy úlkenderdiń qaraýynsyz qaldyrmańyz», delingen habarlamada.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT