Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 386.05 EUR 428.25
RUB 5.84 CNY 54.65
Jańalyqtar

Astanada júk kóligi toqtatpaq bolǵan ınspektorlardy qaǵyp ketti

2019 jylǵy 16 shilde 21:24 322
Bólisińiz:
Astanada júk kóligi toqtatpaq bolǵan ınspektorlardy qaǵyp ketti

NUR-SULTAN. QazAqparat – Nur-Sultan – Qaraǵandy baǵytyndaǵy jolda HOWO markaly júk kóligi kólik baqylaýshy ınspektorlardy qaǵyp ketti, dep habarlaıdy QazAqparat tilshisi.

QR Kólik komıtetiniń baspasóz qyzmetiniń málimetine qaraǵanda, oqıǵa búgin bolǵan. Jyljymaly kólik baqylaý beketiniń qyzmetkerleri kezekshilik kestesine sáıkes Nur-Sultan – Qaraǵandy avtojolynda baqylaý júrgizgen bolatyn.

Baqylaý beketiniń 2 ınspektory HOWO markaly júk kóligin toqtatpaq bolǵan kezde júrgizýshi olardyń buıryǵyn oryndaýdyń ornyna ózderin qaǵyp ótken. Onymen qoımaı basqa kólikke baryp soǵylǵan.

«Oqıǵa ornyna Kólik komıtetiniń mamandary, jol polıtsııasynyń qyzmetkerleri jáne jedel járdem mamandary kelip, zardap shekken kólik ınspektorlary aýrýhanaǵa jetkizildi. Al jol erejesin buzǵan júk kóliginen normatıvten 20 tonna artyq júk tıelgeni anyqtaldy. Onyń júrgizýshisiniń ústinen is qozǵalatyn bolady», - delingen baspasóz málimetinde.

QR Kólik komıteti 21 mamyrdan 31 tamyzǵa deıin «Nazar aýdaryńyz, aýyr salmaqty kólik!» aktsııa júrgizip jatyr.

Komıtettiń málimetine súıensek, negizinen júk kólikteriniń normadan tys aýyr júk tıeýi jıi kezdesýde. Vedomstvo jalpyǵa ortaq jolmen shamadan tys aýyr júk tıep ótken kólikter týraly aqparatty kez kelgen azamat +7708 088 08 00 nómiri boıynsha WhatsApp messendjeri arqyly jiberýge bolatynyn habarlaıdy.

Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT