Astanada jańa káriz júıesi úsh jyldyń ishinde iske qosylady
ASTANA. QazAqparat - Indýstrııa jáne ınfraqurylymdyq damý mınıstri Marat Qarabaev Astana qalasynyń ákimi Jeńis Qasymbekpen birge bas shahardaǵy birneshe kásiporyndy aralap, qyzmetimen tanysty, dep habarlaıdy QazAqparat.
Máselen, vedomstvo basshysy elordadaǵy respıratorlar shyǵaratyn zaýytta, modýldik úı qurylysymen aınalysatyn ModeX óndiris ornynda, sondaı-aq arnaıy tehnıkany shyǵaratyn kásiporyn men vıtraj, tereze ónimderi, medıtsınalyq jabdyqtar, keńse jıhazdary jáne metall qurylymdaryn daıyndaıtyn zaýytta bolyp, óndiris qarqynyn baǵamdap qaıtty.
Sonymen qatar Marat Qarabaev bas qaladaǵy №2 jylý elektr ortalyǵyna da aıaldap, astanadaǵy káriz tazartý júıesiniń jumysyn tekserdi.
Bul rette Astanadaǵy №2 káriz tazartý júıesiniń qurylysyn bıyl qolǵa alyp, 3 jyldyń ishinde iske asyrý josparlanyp otyrǵanyn aıta keteıik.
Osyǵan baılanysty mınıstrlik ókilderi ákimdikpen birlesip, atalǵan nysandy jedel salý úshin ózekti máselelerdi talqylady.
Elordanyń qarqyndy damýyn eskersek, qala ákimdigimen birlesken jumys qolaıly ári zamanaýı qalalyq ortany qurýǵa baǵyttalǵan sharalardy tıimdi iske asyrýdyń negizgi joldaryn ázirleýge septigin tıgizetinin atap ótken jón.
Foto: 3blaws.s3.amazonaws.com
