+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Astanada jalǵyzbasty ana qalalyq turǵyn úı basqarmasyn sotta jeńip shyqty

2020 jylǵy 15 qazan 09:25
Bólisińiz:
Astanada jalǵyzbasty ana qalalyq turǵyn úı basqarmasyn sotta jeńip shyqty

NUR-SULTAN. QazAqparat - Nur-Sultanda jalǵyzbasty ana apellıatsııalyq sotta qalalyq ákimdiktiń turǵyn úı ınspektsııasy basqarmasyn jeńip shyqty, dep habarlaıdy QazAqparat qalalyq sottyń saıtyna silteme jasap.

Elorda sotynyń azamattyq ister jónindegi apellıatsııalyq alqasy azamatsha Ý-dyń Nur-sultan qalasynyń turǵyn úı jáne turǵyn úı ınspektsııasy basqarmasyna kommýnaldyq turǵyn úı qorynan bir bólmeli páter berý týraly buryn qabyldanǵan sheshimniń kúshin joıý bóliginde turǵyn úı komıssııasynyń hattamalyq sheshimin zańsyz dep taný týraly talaby boıynsha Almaty aýdandyq soty sheshiminiń kúshin joıdy.

Іs materıaldarynan belgili bolǵandaı, talap qoıýshy 2007 jyldan bastap «tolyq emes otbasy» sanaty boıynsha turǵyn úı alýǵa muqtajdar esebinde turǵan.

2019 jyldyń aqpan aıynda Ý-ǵa satyp alý quqyǵynsyz jalǵa berý shartymen 1 bólmeli páter berilgen.

Bir jyldan keıin komıssııa otyrysynyń hattamalyq sheshimimen ótinish berýshige turǵyn úı berý týraly buryn qabyldanǵan sheshimniń kúshi joıylǵan.

Aýdandyq sottyń sheshimimen talap qoıýshynyń menshik quqyǵynda memlekettik qordan jalǵa beriletin turǵyn úı alý úshin esepke qoıý sátinde jataqhanada bólmesi bolýy negizinde talap aryzdy qanaǵattandyrýdan bas tartylǵan. Atalǵan turǵyn úı 2011 jyly satylyp ketken bolatyn.

Sot otyrysynda Ý. óziniń jalǵyzbasty ana ekenin, medıtsına qyzmetkeri bolyp jumys isteıtinin, eńbek ótiliniń 30 jyldan asatynyn eskerýdi suraǵan. Elde tótenshe jaǵdaı jáne karantın engizilgen kezeńde Ý. juqpaly aýrýlar aýrýhanasynda rentgen kabınetiniń zerthanashysy bolyp jumys istegen.

Esepke qoıylǵan sátten bastap talap qoıýshy turǵyn úıdiń zańda kózdelgen normaǵa sáıkes kelmeýi sebebinen jataqhanada turý kezeńin qosa alǵanda, turǵyn úı jaǵdaıyn jaqsartýǵa barlyq ýaqytta muqtaj bolǵan.

Apellıatsııalyq alqa aýdandyq sot sheshiminiń kúshin joıdy, turǵyn úı berý týraly buryn qabyldanǵan sheshimniń kúshin joıý bóliginde turǵyn úı komıssııasynyń hattamalyq sheshimi zańsyz dep tanyldy.

Sheshim zańdy kúshine endi.


Bizdiń kanalymyzǵa jazylyńyz:

Bólisińiz:

Avtor:

Janat Qapalbaeva

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT