Astanada úleskerler qarajatyna úı salýǵa ruqsaty joq kompanııalar jarııalandy
ASTANA. QazAqparat - Turǵyn úı qurylysynyń bastapqy satysynda úleskerler aqshasyn tartýǵa ruqsaty joq qurylys kompanııalarynyń tizimi jańartyldy, dep habarlaıdy QazAqparat Astana ákimdiginiń resmı saıtyna silteme jasap.
Qoldanystaǵy zańnamany aınalyp ótip jasalǵan barlyq mámile (aldyn ala brondaý sharty, rezervteý sharty, ınvestıtsııalaý sharty, talap etý quqyǵyn basqaǵa berý sharty) myna tizimde kórsetilgen kóppáterli turǵyn úı keshenderinde jaramsyz bolyp sanalady.
Eske salaıyq, «Turǵyn úı qurylysyna úlestik qatysý týraly» QR zańnamasyna sáıkes úleskerlerdiń qarajatyn tıisti ruqsatsyz qabyldaýǵa tyıym salynady. Bul rette QR Ákimshilik quqyq buzýshylyq týraly kodekstiń 320-baby, sondaı-aq QR Qylmystyq kodeksiniń 214-baby boıynsha kásipkerlik qyzmettiń tyıym salynǵan túrlerimen aınalysqany úshin jaýapkershilik qarastyrylǵan.
Barlyq suraq boıynsha Astana qalasy, Saryarqa aýdany, Beıbitshilik kóshesi, 9 mekenjaıy boıynsha Astana qalasynyń qalalyq orta sapasy jáne baqylaý basqarmasyna habarlasýǵa bolady. Baılanys telefondary: 8 (7172) 55-04-28, 55-67-03.
Jańalyqtar
