FÝTBOLDAN ÁLEM ChEMPIONATY-2022
  Jańalyqtar  >

Astanada terrorızmge qarsy oqý-jattyǵý ótedi

2022 jylǵy 1 qazan, 09:01
Astanada terrorızmge qarsy oqý-jattyǵý ótedi

ASTANA. QazAqparat - Búgin elordada terrorızmge qarsy oqý-jattyǵý ótedi, dep habarlaıdy QazAqparat.

1 qazan kúni saǵat 10.00-den bastap kúndizgi 12.00-ge deıin terrorızmge qarsy astanalyq opershtab oqý ortalyǵynyń aýmaǵynda (AN64 aınalma joly, kólik bazarynyń ar jaǵynda) quqyq qorǵaý jáne jergilikti atqarýshy organdarmen birlesip, «Vıraj-2022» atty oqý-jattyǵý ótkizedi.

Oqý-jattyǵýdyń maqsaty - terrorızmge qarsy kúsh-quraldardyń daıyndyǵyn tekserý jáne tótenshe jaǵdaı kezinde birlesken taktıkalyq is-qımyl barysynda tıisti kúshterdiń ózara áreket etý tıimdiligin arttyrý.

Shara kádimgi qarýly qaqtyǵysqa barynsha jaqyndatylǵan, ártúrli kúrdeli elementterden turady.

Sondyqtan kólik qozǵalysyna shekteý qoıylýy múmkin. Bul tyıymdar atap aıtqanda AN64 aınalma jolyna qatysty. Qalada áskerı tehnıka boı kórsetedi.

«Osyǵan baılanysty azamattardan ýaqytsha qolaısyzdyqqa túsinistikpen qarap, saqtyq sharalaryn qatań saqtaýyn, memorgan qyzmetkerleriniń zańdy talaptaryn oryndaýyn jáne tek qana resmı aqparat kózine senip, el arasynda jalǵan habar taratpaýyn suraımyz» dep eskertti opershtab.


Uqsas jańalyqtar
Seriktester jańalyqtary

Jańalyqtar