+7 (701) 759 90 19
USD 425.02 EUR 498.17
RUB 5.85 CNY 65.85
Jańalyqtar

Astanada tarazdyq elektroavtobýstar synaqtan ótedi

2018 jylǵy 12 qańtar 16:20
Bólisińiz:
Astanada tarazdyq elektroavtobýstar synaqtan ótedi

ASTANA. QazAqparat - Tarazda qurastyrylǵan elektr qýatymen júretin avtobýstar Astanada jýyq arada synaqtan ótkiziledi, dep habarlaıdy «QazAqparat» HAA tilshisi.

«Kúni keshe ǵana bizge Taraz qalasyndaǵy biregeı joba tanystyryldy. Tarazdyń mamandary «EKSPO-2017» kórmesine eki avtobýs alyp kelgen bolatyn. Biraq ol kólikter týraly eshkim estip jatqan joq. Ol avtobýstar qýat kózi toltyrylǵannan keıin 300 shaqyrym jol júre alady. Qýattaný ýaqyty da tym az. Biz ol avtobýstar men qarapaıym dızeldik otynmen júretin avtobýstardyń shyǵyndaryn salystyryp kórdik. Ol qanshalyqty tıimdi ári ınvestıtsııalyq jobany júzege asyrý quny qansha turady? Avtobýsty oılap tabýshylar jobanyń qatty qymbatqa túspeıtindigin aıtyp otyr», - deıdi «G-Global «jasyl ekonomıka» men damý koalıtsııasy» ZTB basqarma tóraǵasy Saltanat Rahymbekova OKQ-da ótken baspasóz máslıhatynda.

Onyń aıtýynsha, EKSPO kórmesine ákelingen elektroavtobýstardyń qozǵalysy jazda tekserilgen. Endigi ýaqytta otandyq avtobýstyń qys mezgilindegi qozǵalys qabiletin baqylaý kózdelýde.

«Osy sebepti, biz kelesi aptada Astana qalasynyń ákimdigimen kelissóz júrgizemiz. Tarazdyń avtobýsty qurastyrǵan mamandary kólikti synaqtan ótkizýge daıyn», - deıdi Saltanat Rahymbekova.

Aıta ketsek, budan buryn «G-Global «jasyl ekonomıka» men damý koalıtsııasy» ZTB basqarma tóraǵasy Prezıdenttiń «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» Joldaýyna qatysty pikirin bildirgen bolatyn. Saltanat Rahymbekova óz sózinde G-Global bazasynda tórtinshi ónerkásiptik tóńkeristiń ınnovatsııalary men «jasyl» jobalary úshin qarajat jınaıtyn kraýtfandıngti alań qurý kerektigin aıtyp ótken edi.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT