Jańalyqtar  >
  Astana

Astanada reıske keshikken jolaýshy «ushaqta jarylǵysh zat bar» dep qońyraý shalǵan

2022 jylǵy 2 qazan, 00:44
Astanada reıske keshikken jolaýshy «ushaqta jarylǵysh zat bar» dep qońyraý shalǵan

ASTANA. QazAqparat – Áýe reısine keshikken jolaýshy polıtsııaǵa ushaqta jarylǵysh zat bar dep habarlasyp, keıin ázil ekendigin aıtqan. Atalǵan azamat ustalyp, ýaqytsha ustaý ızolıatoryna qamaldy, dep habarlaıdy QazAqparat Іshki ister mınıstrligine silteme jasap.

«1 qazan kúni túski ýaqytta «102» operatoryna belgisiz er adamnan «Astana – Taldyqorǵan» baǵytyndaǵy ushaqta jarylǵysh zat jasyrylǵany týraly habarlama keldi. Biraz ýaqyttan keıin ol qaıta qońyraý shalyp, bul ázil ekendigin aıtqan. Habarlamadan keıin jedel qyzmet shuǵyl oqıǵa ornyna jetti», - delingen habarlamada.

Resmı aqparatta aıtylǵandaı, kólik polıtsııasynyń qyzmetkerleri 37 jastaǵy er adamdy ustaǵan jáne ol kinásin moıyndaǵan.

«Qońyraý shalǵan azamattyń Taldyqorǵan qalasyna ushpaq bolǵandyǵy anyqtaldy. Alaıda reıske keshigip, ol osylaısha ýaqyt sozbaq bolǵan. Atalǵan fakt QR QK-niń 273-babynyń 1-bóligi boıynsha (Terrorızm aktisi týraly kórineý jalǵan habarlama) tirkeldi», - deıdi vedomstvodan.

Іshki ister mınıstrliginiń málimetinshe, ustalǵan adam ýaqytsha ustaý ızolıatoryna qamaldy.




Tegı:
Astana   Feık   Áýejaı  
Uqsas jańalyqtar
Seriktester jańalyqtary

Jańalyqtar