Jańalyqtar  >

Astanada «Myń bala» respýblıkalyq jobasyna qatysýshylar marapattaldy

2022 jylǵy 29 qarasha, 02:10
Astanada «Myń bala» respýblıkalyq jobasyna qatysýshylar marapattaldy

ASTANA. QazAqparat - Búgin Astanada «Myń bala» respýblıkalyq mádenı-aǵartýshylyq jobasyna qatysýshylar marapattaldy, dep habarlaıdy QazAqparat.

Shara uıymdastyrýshylary – Aqparat jáne qoǵamdyq damý mınıstrligi jáne Qazaqstan halqy Assambleıasy.
«Myń bala» jobasynyń maqsaty – mektep jasyna deıingi balalar men mektep oqýshylaryn, ártúrli etnıkalyq toptardyń jastaryn memlekettik tildi oqytýda qazaq halqynyń ulttyq rýhanı qundylyqtaryna baýlý arqyly qazaqstandyq biregeılik pen birlikti damytýǵa úles qosý.
«Memleket basshysy atap ótkendeı, qazaq tilin damytý memlekettik saıasattyń basym baǵyttarynyń biri bolyp qala beredi, atalǵan salada aıtarlyqtaı nátıjeler bar. Qazaq tili shyn máninde bilim men ǵylym, mádenıet pen is júrgizý tiline aınalyp otyr. Osy oraıda»El birligi«aktsııasy aıasynda Assambleıa jastary «Tik-Tok house» jobasyna belsendi qatysyp jatyr«, - dedi Aqparat jáne qoǵamdyq damý mınıstr Darhan Qydyráli.
«Myń bala» respýblıkalyq mádenı-aǵartýshylyq jobasy 2015 jyldan beri iske asyrylyp keledi. 2015 – 2022 jyldar aralyǵynda joba aıasynda barlyǵy 107 054 is-shara uıymdastyryldy. Bıyl 1 myńǵa jýyq bala qatysty. Olardyń 43-i jeńimpaz atanyp, ártúrli nomınatsııa boıynsha marapatqa ıe boldy.

Foto: gov.kz


Uqsas jańalyqtar
Seriktester jańalyqtary

Jańalyqtar