Jańalyqtar  >
Astanada Máńgilik el dańǵylyndaǵy jóndeý jumystary qashan aıaqtalady
2022 jylǵy 16 tamyz 17:55

Astanada Máńgilik el dańǵylyndaǵy jóndeý jumystary qashan aıaqtalady

NUR-SULTAN. QazAqparat – Máńgilik el dańǵylyndaǵy barlyq jóndeý jumystaryn 20 tamyzǵa deıin aıaqtaý josparlanǵan. Bul týraly QazAqparat tilshisiniń saýalyna jaýap bergen Nur-Sultan qalasynyń Kólik jáne jol-kólik ınfraqurylymyn damytý basqarmasynan málim etti.

«Aýa raıynyń qolaısyzdyǵyna baılanysty Máńgilik el dańǵylyndaǵy jóndeý jumystarynyń merzimi uzardy. Barlyq jumystardy 20 tamyzǵa deıin aıaqtaý josparlanýda. Búgingi tańda tek Máńgilik el dańǵylynyń Kereı-Jánibek handar kóshesinen Buqar Jyraý kóshesine deıingi bóligi ǵana jabyldy», - delingen quzyrly organ jaýabynda.

Basqarma dereginshe, qazan aıynyń ortasyna deıin elordadaǵy 131 kósheni jóndeý josparlanǵan. Qazirgi tańda onyń 46-synda jumystar aıaqtaldy.

«Joldardy ortasha jóndeý aýa raıyn eskere otyryp júrgizilip jatyr. Bul baǵyttaǵy barlyq jumystar qazan aıynyń ortasyna jaqyn aıaqtalady», - dep málim etti Kólik jáne jol-kólik ınfraqurylymyn damytý basqarmasynan.

Eske sala ketsek, buǵan deıin bas shaharda qandaı kóshelerdiń ýaqytsha jabylǵanyn habarlaǵan bolatynbyz.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT