+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Astanada kóne qarý-jaraq kórmesi ashyldy

2017 jylǵy 3 shilde 19:43
Bólisińiz:
Astanada kóne qarý-jaraq kórmesi ashyldy

ASTANA. QazAqparat - Astanadaǵy Ulttyq mýzeıde EKSPO aıasynda uıymdastyrylǵan «Shyǵys pen Batys: memlekettik Ermıtaj qorynan kóne qarý-jaraq» atty kórme ashyldy, dep habarlaıdy «QazAqparat» HAA tilshisi.



Atalǵan kórmege RF Sankt-Peterbýrg qalasyndaǵy áıgili Ermıtajdan 4-5 ǵasyr buryn Túrkııa, Iran, Úndistan, Japonııa, Frantsııa, Italııa, Germanııa, Ispanııa taǵy da basqa elderinen ákelingen qarý-jaraqtar jıyntyǵy qoıyldy,

Sharaǵa QR Memlekettik hatshysy Gúlshara Ábdihalyqova, Mádenıet jáne sport mınıstri Arystanbek Muhamedıuly, QR Parlament depýtattary men Ermıtajdan kelgen ókilder qatysty. Uıymdastyrýshylardyń aıtýynsha, atalǵan kórme Ermıtaj qoryndaǵy qarý-jaraq sheberliginiń jaýharymen tanystyrý maqsatynda qolǵa alynǵan. Kórmeniń hronologııalyq sheńberi qarý-jaraq qolóneriniń aýqymdy tarıhı kezeńin, HV ǵasyrdan bastap HІH ǵasyrdyń sońyna deıingi aralyqty qamtıdy.

«Búgingi kúni álemge áıgili 20 mýzeıdiń biri - Ermıtajdan ákelingen qarý-jaraqtardyń kórmesin tamashalap otyrmyz. Bul qadam - Qazaqstan men Reseıdiń shynaıy dostyǵynyń dáleli. Eki el arasyndaǵy yntymaqtastyqtyń irgesi barlyq sala boıynsha bekip keledi. Osy sharanyń arqasynda mýzeıimizge kelgen qonaqtar Shyǵys pen Batys halyqtarynyń tarıhı qarý-jaraq jasaý úlgisimen tanysa alady. Qarý-jaraqtyń qoldanylýyndaǵy qýaty emes, jasalý sheberligi tamsandyrsa deımiz., - dedi Memlekettik hatshy.

Jıynda sóz alǵan RF Qazaqstandaǵy Tótenshe jáne ókiletti elshisi Mıhaıl Bocharnıkov eki el arasyndaǵy mádenı yntymaqtastyqty damytýǵa baǵyttalǵan taǵy bir qadamdy kórip otyrǵanyn jetkizdi.

«Eki eldi baı mádenı tarıh baılanystyryp jatyr. Memlekettik Ermıtaj Qazaqstandaǵy áriptesterimen birlese jumys jasaýda kósh ilgeri», - dedi M.Bocharnıkov.

Ulttyq mýzeıde ashylǵan kórme jumysyna qatysqan Ermıtajdyń ókilderi eki el arasyndaǵy mádenı yntymaqtastyqtyń mańyzdylyǵyn atap kórsetti.

«Ermıtaj Ulttyq mýzeımen ózara mádenı baılanysty kúsheıtkisi keledi. Reseı Federatsııasynyń memlekettik Ermıtajy men Qazaqstan Respýblıkasynyń Ulttyq mýzeıiniń ujymdary birin-biri tyń jobamen qýanta beredi degen oıdamyn», - deıdi Ermıtajdyń bas dırektorynyń orynbasary Georgıı Velenbahov.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT