Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 384.87 EUR 432.52
RUB 6.11 CNY 55.95
Jańalyqtar

Astanada Elbasynyń qatysýymen Mustafa Kemal Atatúrikke arnalǵan eskertkish ashyldy

2009 jylǵy 8 qazan 13:49 206
Bólisińiz:
Astanada Elbasynyń qatysýymen Mustafa Kemal Atatúrikke arnalǵan eskertkish ashyldy

ASTANA. Qazannyń 8-i. QazAqparat /Aıdar Ospanalıev/ - Búgin Astanada Túrkııa Respýblıkasynyń negizin qalaýshy Mustafa Kemal Atatúrikke arnalǵan eskertkishtiń ashylý rásimi ótti. Oǵan Elbasy Nursultan Nazarbaev qatysty,

dep habarlaıdy QazAqparat.

Atalmysh sharanyń ashylý rásiminde sóz sóılegen Memleket basshysy tarıhy men mádenı qundylyqtary ortaq, túbi bir túrki halyqtary arasyndaǵy ekonomıkalyq, rýhanı, gýmanıtarlyq salalar boıynsha qarym-qatynastarymyzdyń ósip kele jatqandyǵyn atap ótti. «Kishi Azııany meken etken túrik qandastarymyz jaıynda sóz qozǵaǵanda, sonaý orta ǵasyrda uly daladan órkenıet úlgilerin Anadoly jerine ala barǵan baýyrlarymyz eske túsedi. Búginde Túrkııa sııaqty baýyrlas elmen aradaǵy yntymaqtastyq qarym -qatynastyń

túrli deńgeıde damyp kele jatqandyǵyn bárimiz bilemiz. Búgin

osy aınymas tatýlyqtyń aıǵaǵy retinde Astana tórinde Túrkııa Respýblıkasynyń tuńǵysh Prezıdenti Mustafa Kemal Atatúrikke arnalǵan eskertkishtiń ashylý saltanatynyń kýási bolyp otyrmyz» dedi Memleket basshysy.

 

Budan soń Mustafa Kemal Atatúriktiń atqarǵan eńbekterine jáne onyń memleket basqarý isindegi erekshe qasıetteri jóninde sóz qozǵaǵan   Nursultan Nazarbaev Atatúriktiń Túrkııa Respýblıkasynyń negizin qalaýshy, túrik ultynyń qaıta órleýin júzege asyrýshy, memleket basqarýdyń erekshe úlgisin kórsete bilgen daryndy tulǵa retinde álemge tanymal ekendigin atap ótti. «Ol dúnıejúzin moıyndatqan XX ǵasyrdyń adamy dep esepteledi. Mustafa Kemal Atatúrik  aýmaly tókpeli zamanda túrik memleketin bólshekteý qaýpinen saqtap, elin biriktire bilip, az ýaqyttyń ishinde Túrkııany tyǵyryqtan alyp shyǵý úshin kóp eńbek sińirdi. Ol azamattyq qoǵam qundylyqtarynyń qalyptasýy men jańa álipbıdiń engizilýi sııaqty áleýmettik-ekonomıkalyq reformalar júrgizip, Túrkııany órkenıetti elderdiń qataryna qosty jáne onyń ómirsheń ıdeıalary búginge deıin jalǵasyn taýyp keledi. Búgingi eskertkishtiń ashylýy uly tulǵaǵa degen qurmettiń taǵy bir belgisi. Bul shara baýyrlas Túrkııamen aradaǵy berik dostyq pen yntymaqtastyqty damytýǵa jańasha serpin beredi degen senimdemin», dedi Prezıdent.

Bizdiń kanalymyzǵa jazylyńyz:

Basty sózder:
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT