Astanada eki táýlikten keıin dala órti sóndirildi
2022 jylǵy 22 maýsym 08:21

Astanada eki táýlikten keıin dala órti sóndirildi

NUR-SULTAN. QazAqparat – Nur-Sultan qalasynda Taldykól mańynda tutanǵan dala órti sóndirildi. Bul týraly QR Tótenshe jaǵdaılar mınıstrliginiń baspasóz qyzmetinen málim etti, dep habarlaıdy QazAqparat.

«20 maýsym kúni saǵat 15.03-te «101« pýltine Esil aýdanyndaǵy Qorǵaljyn tasjolynyń boıynda qýraǵan shóptiń órtenip jatqany týraly habarlama kelip tústi. Oqıǵa ornyna jetken órt sóndirýshiler ashyq aýmaqta qamys pen qýraǵan shóp janyp jatqanyn anyqtady. Elordalyq órt sóndirýshiler qyzyl jalynmen eki táýlik boıy arpalysty. Órt oshaǵyna TJM-niń MI-8 tikushaǵy 27 ret sý tókti (81 tonna).

Keshe saǵat 18.53-te órt oqshaýlandyrylyp, búgin saǵat 05.55-te tolyǵymen joıyldy. Órttiń shyǵýynyń aldyn ala sebebi otty abaısyz qoldaný bolýy múmkin.

Jalynmen kúreske 86 qyzmetker men 14 tehnıka jumyldyryldy. Qaza bolǵandar men zardap shekkender joq», - delingen QR TJM málimetinde.

Eki kún buryn Qorǵaljyn tasjolynyń boıynda dala órti tutanǵanyn jazǵan bolatynbyz. Keshe «Qazavıaqutqarý» AQ-nyń MI-8 ushaǵy kómekke jiberildi.



Seriktester jańalyqtary

Jańalyqtar

Úrdis

MURAǴAT