+7 (701) 759 90 19
USD 418.41 EUR 507.95
RUB 5.69 CNY 64.76
Jańalyqtar

Astanada tsıfrlyq órkenıet dáýirindegi Konstıtýtsııanyń róli talqylandy

2019 jylǵy 28 tamyz 16:14
Bólisińiz:
Astanada tsıfrlyq órkenıet dáýirindegi Konstıtýtsııanyń róli talqylandy

NUR-SULTAN. QazAqparat – QR Konstıtýtsııasy kúni qarsańynda elordada «Tsıfrlyq órkenıet dáýirinde memleket pen qoǵamnyń transformatsııalanýyndaǵy Konstıtýtsııanyń róli» atty dóńgelek ústel ótti, dep habarlaıdy QazAqparat tilshisi.

«Bıyl memleketimizdiń damýyndaǵy jańa kezeń bastaldy. Áleýmettik turǵyda ádil, demokratııalyq jáne quqyqtyq memleketke aınalý baǵyty alapat qoldaýǵa ıe boldy. Kún tártibinde qoǵamdyq qaýipsizdikti, densaýlyq saqtaý, bilim berý men jumyspen qamtýdy sapaly jańǵyrtý máseleleri tur. Eń aldymen memlekettik basqarý men saıası júıeniń tıimdiligin arttyrý kerek. Zań ústemdigin, ádil sot óndirisin jáne zamanaýı quqyq qorǵaý júıesin qamtamasyz etý, sybaılas jemqorlyqqa qarsy is-qımyldy kúsheıtý mańyzdy mindet bolyp otyr. Osy protsesterdiń barlyǵynda Negizgi zań Konstıtýtsııa úlken ról atqarady», - dedi QR Konstıtýtsııalyq keńesiniń tóraǵasy Qaırat Mámı Ulttyq akademııalyq kitaphanada dóńgelek ústeldiń ashylýynda.

Onyń aıtýynsha, atalǵan baǵyttar boıynsha qabyldanǵan sharalardyń tıimdiligi Konstıtýtsııanyń jasampazdyq áleýetin tolyqqandy júzege asyrýmen tikeleı baılanysty. Memleket pen qoǵamdy transformatsııalaý kezeńinde negizgi zańǵa jańa kózqaras qajet.

Tsıfrlyq órkenıettiń jetistikteri adam quqyqtaryn júzege asyrýda úlken basymdyqqa ıe, biraq jańa tehnologııalardy da durys qoldanbaý qaýpi bar.

Óz kezeginde QR Tuńǵysh Prezıdenti – Elbasy Qory atqarýshy dırektorynyń orynbasary Igor Rogov jańa tehnologııalardyń tsıfrlyq órkenıet jaǵdaıynda ózgerip jatqan dástúrli zańǵa yqpaly týraly aıtyp berdi.

«Eýropalyq odaq elektrondy tulǵany quqyqtyq qatynas sýbektisi retinde taný máselesin talqylap jatyr. Sonymen birge, avtopılot basqarýynda bolǵan kólikterdiń jol-kólik oqıǵasy jaýapkershiligi ózekti bolyp otyr. Jaqynda Frantsııada «Tsıfrlyq respýblıka týraly» zań qabyldandy. Onda qaıtys bolǵan adam týraly tsıfrlyq aqparatty óshirý syndy adamnyń jańa quqyqtary bekitilgen. Jaqyn arada robottardyń quqyqtyq sýbektiligi máselesi de kóterilýi múmkin», - dedi I. Rogov.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT