Astanada avtobýs júrgizýshileriniń kinásinen 275 jol apaty boldy
2022 jylǵy 20 qańtar 17:16

Astanada avtobýs júrgizýshileriniń kinásinen 275 jol apaty boldy

NUR-SULTAN. QazAqparat – 2021 jyly elordanyń qoǵamdyq kólik júrgizýshileri kinásinen 275 jol apaty oryn aldy. Bul jaıynda «City Transportation Systems» kompanııasynan málim etti, dep habarlaıdy QazAqparat tilshisi.

«2021 jyldyń qorytyndysy boıynsha tasymaldaýshylar tarapynan 1 969 buzýshylyq anyqtaldy. Olardyń ishinde eń kóbi – aıaldamaǵa kirmeýdiń 1 079 faktisi tirkeldi.

Budan basqa, 2021 jyly qoǵamdyq kólik júrgizýshileri jol qozǵalysy erejelerin 247 ret buzǵan. 799 jol-kólik oqıǵalary tirkelgen. Onyń ishinde júrgizýshiniń kinásinen - 275», - delingen kompanııanyń Facebook-paraqshasynda jarııalanǵan aqparatta.

Kompanııa málimetinshe, Kóliktik baqylaý departamenti barlyq buzýshylyqtar boıynsha qajetti sharalardy qabyldaıdy jáne avtobýs parkteriniń basshylyǵyna júıeli buzýshylyqtardy joıý boıynsha usynymdar beredi.

Aıta keterligi, buǵan deıin 2021 jyly elordada jol júrý aqysyn tólemegen 222 415 adam anyqtalǵanyn habarlaǵan bolatynbyz.


Jańalyqtar

MURAǴAT