FÝTBOLDAN ÁLEM ChEMPIONATY-2022

Astanada AÓSShK sammıti ótedi

2022 jylǵy 26 qyrkúıek, 13:11
Astanada AÓSShK sammıti ótedi

ASTANA. QazAqparat – Bıyl qazan aıynda ótetin Azııadaǵy ózara is-qımyl jáne senim sharalary jónindegi keńestiń sammıtinde osy keńesti tolyqqandy halyqaralyq uıymǵa aınaldyrý máselesi qaralady. Bul týraly AÓSShK hatshylyǵynyń atqarýshy dırektory Qaırat Sarybaı aıtty, dep habarlaıdy QazAqparat tilshisi.

«12-13 qazanda Qazaqstan elordasy 27 múshe eldiń memleket jáne úkimet basshylaryn qabyldaıdy. Bul jerde olar AÓSShK-ni tolyqqandy halyqaralyq aımaqtyq uıymǵa aınaldyrý qadamdaryn iske qosady. Bul turǵyda múshe memleketterdiń bizdiń jumysymyzdyń ózektiligin, maqsattarymyz ben mindetterimizdiń mańyzdylyǵyn túsinýiniń arqasynda múmkin bolyp otyr. Osyndaı ortaq paıymnyń júzege asatynyna óte qýanyshtymyz. Árıne, transformatsııanyń qalaı júzege asatyny turǵysynda túrli kózqaras bar. Kez kelgen transformatsııa sammıtte jasalatyn alǵashqy qadamnan bastalýy kerek», - dedi Q. Sarybaı elordada ótip jatqan zańsyz kóshi-qonǵa jol bermeý taqyrybyna arnalǵan semınarda .

Onyń aıtýynsha, AÓSShK-niń barlyq 27 múshesiniń biraýyzdan qoldaýynyń arqasynda kontınentte beıbitshilik pen qaýipsizdikti ilgeriletý jónindegi senim sharalary katalogyn aıtarlyqtaı jańartý múmkin boldy. Bul óz kezeginde AÓSShK maqsattaryn oryndaýdyń negizgi quraly bolyp sanalady.

Budan buryn habarlanǵandaı, bıyl qyrkúıek aıynda Prezıdent Qasym-Jomart Toqaev Azııadaǵy ózara is-qımyl jáne senim sharalary jónindegi keńes hatshylyǵynyń atqarýshy dırektory Qaırat Sarybaıdy qabyldady .

AÓSShK Hatshylyǵynyń atqarýshy dırektory Memleket basshysyna aldaǵy sammıttiń qorytyndy qujattarynyń jobalaryn kelisý úderisi týraly baıandady. Sonymen qatar Prezıdentke AÓSShK-ni tolyqqandy halyqaralyq uıymǵa aınaldyrý jospary jóninde málimet berildi. Bul mańyzdy mindetti júzege asyrý – Qazaqstannyń strategııalyq maqsaty.


Tegı:
Seriktester jańalyqtary

Jańalyqtar