+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Astanada antıterrorıstik jattyǵý: Turǵyndar túsinistikpen qaraýy kerek

2021 jylǵy 10 maýsym 13:56
Bólisińiz:
Astanada antıterrorıstik jattyǵý: Turǵyndar túsinistikpen qaraýy kerek

NUR-SULTAN. QazAqparat – Búgin Nur-Sultan qalasynda lańkestikke qarsy oqý-jattyǵý ótedi, dep habarlaıdy QazAqparat.

«10 maýsymda saǵat 17.00-den bastap 22.00-ge deıingi aralyqta Terrorızmge qarsy kúres jónindegi astanalyq jedel shtab «Jolaýshylar tasymaly» AQ «Severnyı» Jolaýshylar tasymaly óńirlik fılıalynyń tehnıkalyq jolaýshylar parkiniń aýmaǵynda (Gete kóshesi, 7) terrorızmge qarsy josparly oqý-jattyǵý ótkizedi», - delingen Terrorızmge qarsy kúres jónindegi astanalyq jedel shtap málimetinde.

Іs-sharanyń maqsaty – jedel shtab kúshteri men quraldarynyń terrorıstik kórinisterge shuǵyl áreket etý, terrorızm aktisiniń saldaryn joıý jáne azaıtý boıynsha mindetterdi oryndaýyna daıyndyǵyn tekserý.

Oqý-jattyǵý áskerı jaǵdaıǵa barynsha jaqyn bolady. Sebebi onda ártúrli kúrdeli elementter qoldanylmaq.

«Tehnıkalyq jolaýshylar parkiniń mańaıynda shekteý sharalary qarastyrylǵan. Osyǵan baılanysty azamattardy ótkiziletin oqý-jattyǵý sharalaryna túsinistikpen qaraýǵa, qaýipsizdik sharalaryn saqtaýǵa jáne sharaǵa jumyldyrylǵan memlekettik organ qyzmetkerleriniń zańdy talaptaryn oryndaýǵa shaqyramyz», - dedi vedomstvodan.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT