+7 (701) 759 90 19
USD 423.95 EUR 495.81
RUB 5.84 CNY 65.6
Jańalyqtar

Astanada ambýlatorııalyq medıtsınalyq qyzmetke bólinetin qarajat kólemi artady

2021 jylǵy 29 shilde 16:25
Bólisińiz:
Astanada ambýlatorııalyq medıtsınalyq qyzmetke bólinetin qarajat kólemi artady

NUR-SULTAN. QazAqparat – Bıyl Nur-Sultan qalasynda ambýlatorııalyq-emhanalyq deńgeıdegi medıtsınalyq qyzmetterdiń qoljetimdiligi keńeıe túsedi. Bul týraly Áleýmettik-medıtsınalyq saqtandyrý qory Nur-Sultan qalasy boıynsha fılıalynyń dırektory Nurlybek Qabdyqaparov málim etti, dep habarlaıdy QazAqparat tilshisi.

Uqsas jańalyqtar

«Bizdiń 2021 jylǵa arnalǵan satyp alý týraly josparǵa sáıkes halyqqa medıtsınalyq kómek kórsetý úshin 26,55 mlrd teńge, onyń ishinde tegin kepildendirilgen medıtsınalyq kómek kólemi (TMKKK) aıasynda – 24,15 mlrd teńge, al medıtsınalyq saqtandyrý (MÁMS) paketindegi medıtsınalyq qyzmetterge – 2,4 mlrd teńge qarastyrylǵan», - dedi Nurlybek Qabdyqaparov ZOOM platformasynda ótken baspasóz máslıhatynda.

Onyń aıtýynsha, búginde elordada medıtsınalyq qyzmettiń 66%-yn jekemenshik mekemeler kórsetedi.

«Qazirgi ýaqytta Nur-Sultan qalasynda 108 medıtsınalyq qyzmet kórsetýshi mekememen shart jasaldy, onyń 71-i – jekemenshik klınıka. Jyl ótken saıyn halyqqa medıtsınalyq qyzmet kórsetetin jekemenshik qyzmet jetkizýshiler úlesi artýda. Bul patsıenttiń úzdik klınıkany tańdaýyna múmkindik beredi. Medıtsınalyq qyzmet jetkizýshiler tizimin bizdiń qordyń fms.kz saıtynan qaraýǵa bolady. Bıyl qor ambýlatorııalyq-emhanalyq deńgeıdegi medıtsınalyq qyzmetterdiń qoljetimdiligin keńeıtedi. Atap aıtqanda, statsıonardy almastyratyn kómekti, kúndizgi statsıonar qyzmetin, qashyqtyqtan kórsetiletin medıtsınalyq kómekti, profılaktıkalyq tekserýlerdi, bala densaýlyǵyn qorǵaý, mektep medıtsınasy jáne onkogematologııa boıynsha qarjylandyrý kólemi artady», - deıdi ol.


Bizdiń kanalymyzǵa jazylyńyz:

Bólisińiz:

Avtor:

Álı Ibraev

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT