+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Astanada 90 medıtsınalyq volonterdi oqytý aıaqtaldy

2020 jylǵy 31 qazan 01:35
Bólisińiz:
Astanada 90 medıtsınalyq volonterdi oqytý aıaqtaldy

NUR-SULTAN. QazAqparat - Elordada «Volonterler mektebi» jobasynyń qorytyndysy shyǵaryldy, dep habarlaıdy QazAqparat.

Qala ákimdiginen málim etkendeı, joba aıasynda 90 medıtsınalyq volonter oqytyldy.

«Volonterler mektebi» - «Qazaqstannyń medıtsınalyq jastary» respýblıkalyq qoǵamdyq birlestiginiń bastamasymen, elorda ákimdiginiń qoldaýymen júzege asyrylǵan joba.

Bir apta ishinde 16 - 24 jas aralyǵyndaǵy 90 jas alǵashqy medıtsınalyq kómek kórsetýge, kommýnıkatıvti daǵdylarǵa oqytyldy jáne koronavırýs pandemııasynyń jazǵy tolqynynda aýrýhanalarda jumys istegen eriktilermen kezdesti.


«Volonterler mektebi aıasynda biz úsh ret onlaın-trenıng ótkizdik. Tyńdaýshylar kommýnıkatıvti daǵdylardy ıgerdi, Reseı men Qyrǵyzstandaǵy sheteldik áriptesteriniń tájirıbesimen tanysty, sonymen qatar pandemııa kezinde jumys istegen Qazaqstandaǵy medıtsınalyq eriktilermen jáne densaýlyq saqtaý salasynyń qyzmetkerlerimen áńgimelesti. Tájirıbelik sabaqta olar alǵashqy medıtsınalyq kómek kórsetýdi úırendi – bul qan ketýdi toqtatý, kúıik jáne jaraqaty bar naýqastarǵa kútim jasaý, júrek-ókpe reanımatsııasy», - dedi joba uıymdastyrýshysy, «Qazaqstannyń medıtsınalyq jastary» respýblıkalyq qoǵamdyq birlestiginiń vıtse-prezıdenti Álıjan Tursyntaı.

Onyń aıtýynsha, bolashaqta «Volonterler mektebiniń» kýrsyn aıaqtaǵan jastar aýrýhanalar men emhanalardaǵy medıtsına qyzmetkerlerine kómekke tartylatyn bolady.

Qozǵalysqa qosylýǵa nıet bildirgenderdiń shamamen 80% elordalyq medıtsına kolledjiniń, qalǵany qalanyń basqa orta arnaýly oqý oryndarynyń stýdentteri.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT