Astanada 3 jasar bala 13-qabattan qulap qaıtys boldy
2022 jylǵy 6 shilde 16:34

Astanada 3 jasar bala 13-qabattan qulap qaıtys boldy

NUR-SULTAN. QazAqparat – Qaıǵyly oqıǵa kezinde balanyń anasy úıde bolǵan, dep habarlaıdy QazAqparat tilshisi Nur-Sultan qalasy polıtsııa departamentiniń baspasóz qyzmetine silteme jasap.

«5 shilde kúni keshki saǵat 21:57-de kópqabatty turǵyn úıdiń 13-qabatynan 3 jasar qyz dúkenniń kúnqaǵaryna (kozyrek) qulady. Alǵan jaraqattan sábı oqıǵa ornynda mert boldy. Oqys oqıǵa kezinde balanyń anasy úıde bolǵan», - delingen qalalyq polıtsııa departamenti taratqan habarlamada.

Elordanyń ıývenaldy polıtsııa ınspektorlary balalardyń kópqabatty úılerdiń terezesinen qulap ketý faktilerine jol bermeý maqsatynda turǵyndar arasynda túsindirý jáne profılaktıkalyq jumystardy jıi ótkizip turady.

«Jazataıym oqıǵalardyń deni ata-analardyń balalardyń qaýipsizdigine nemquraıly qaraýymen baılanysty. Bala eresekterdiń nazarynan tys qalyp, tereze ashyq qalǵan jaǵdaıda qulaý qaýpi joǵary», - deıdi vedomstvodan.

Osyǵan oraı Nur-sultan qalasynyń polıtsııa departamenti ata-analarǵa balalardy terezeden qulaýdan qorǵaýǵa qatysty usynady:

- Bala úıde bolǵan kezde terezelerdi jaýyp júrińiz. Siz balanyń qasyndamyn dep oılaısyz, degenmen balany birneshe sekýnd nazardan tys qaldyrý qaıǵyly jaǵdaımen aıaqtalýy múmkin;

– Eshqashan moskıt torlaryna senbeńiz, balalar oǵan súıenip, qorǵaý quralymen birge qulap ketedi;

- Bala terezeni óz betinshe asha almaýy úshin terezelerge arnaıy qorǵaý júıelerin (bekitkishter, blokıratorlar) ornatyńyz;

- Úıdegi jıhazdy terezeden aýlaq ustańyz. Bul balanyń tereze aldyna kezdeısoq tap bolýyna jol bermeıdi.


Uqsas jańalyqtar

Jańalyqtar

Úrdis

MURAǴAT