Jańalyqtar  >
  Astana

Astana zeınetkerleri shıpajaıǵa tegin demalysty telefon arqyly rásimdeı alady

2022 jylǵy 30 qyrkúıek, 19:30
Astana zeınetkerleri shıpajaıǵa tegin demalysty telefon arqyly rásimdeı alady

ASTANA. QazAqparat – Astanada zeınetkerler shıpajaıda tegin em alýdy uıaly telefon arqyly rásimdeı alady. Bul týraly qalalyq jumyspen qamtý jáne áleýmettik qorǵaý basqarmasy basshysy orynbasarynyń mindetin atqarýshy Móldir Sholatova málim etti, dep habarlaıdy QazAqparat tilshisi.

«Astana qalasy boıynsha zeınet jasyndaǵy jáne Ekinshi dúnıejúzilik soǵys ardagerlerine shıpajaı-kýrorttyq demalys joldamasyn berý qarastyrylǵan. Atalǵan kómek zeınetkerler úshin 25 paıyz, al tyl ardagerleri jáne eń az zeınetaqy alatyndar úshin 18 paıyz kóleminde qarastyrylǵan. Osy oraıda bıyl shıpajaı kýrortyna tirkelý uıaly telefon arqyly júrgizilip jatyr. Talapqa sáıkes zeınetker kýrort demalysyna keminde 1 aı buryn jazylýy tıis», - dedi Móldir Sholatov elorda ákimdigi alańynda ótken baspasóz máslıhatynda.

Onyń aıtýynsha, elorda boıynsha 3 myńnan astam zeınetker sanatorlyq emdeýmen qamtylǵan.

«1 qazan - Qarttar kúnine oraı jyl saıyn 7950 teńge kóleminde birjolǵy áleýmettik kómek kórsetiledi. Bıyl statıstıkaǵa sáıkes elorda boıynsha 91 671 zeınetkerge qoldaý qarastyrylǵan», - deıdi ol.

Buǵan deıin habarlaǵynymyzdaı, Astana qalasynda 100 myńnan astam zeınetker turady.


Tegı:
Astana   Qoǵam   Densaýlyq  
Seriktester jańalyqtary

Jańalyqtar