Astana turǵyny kórshisinen kek alý úshin onyń atynan áýejaılarǵa «bomba qoıyp» shyqqan
2022 jylǵy 1 shilde 20:24

Astana turǵyny kórshisinen kek alý úshin onyń atynan áýejaılarǵa «bomba qoıyp» shyqqan

NUR-SULTAN. QazAqparat - Elordada áýejaı men basqa da mekemelerge «bomba qoıǵan» turǵynǵa úkim shyqty, dep habarlaıdy QazAqparat.

Nur-Sultan qalasy Esil aýdanynyń № 2 soty 1 shildede terrorızm aktisi týraly jalǵan habarlaý faktisi boıynsha T-ǵa qatysty aıyptaý úkimin shyǵardy.

T-nyń kórshisi únemi tynyshtyqty buzatyn bolǵan, osyǵan baılanysty ol qańtarda kórshisinen kek alýdy oılastyrǵan.

Ol jańa uıaly telefon satyp alyp, ony kórshisiniń atyna tirkegen jáne elektrondy poshta ashqan. 31 naýryzda «Nursultan Nazarbaev halyqaralyq áýejaıyna», «Almaty qalasynyń halyqaralyq áýejaıyna», «Lexus Astana», «Mýsag» avtosalondaryna, «Han Shatyr», «Abu Dhabi Plaza», «Mega Silk Way», «Mega Park» saýda oıyn-saýyq ortalyqtaryna, «Renko» mekemesine, «Mega Alma-Ata» oıyn-saýyq ortalyǵyna «Sizderdiń ǵımaratqa bomba qoıylǵan» degen hat jibergen.

T. jaýapkershilikti kórshisine júkteý úshin ol keletin ýaqytta uıaly telefondy onyń páteriniń qasyndaǵy baspaldaqqa qaldyryp ketken. Telefondy kórshisiniń kámeletke tolmaǵan qyzy taýyp alyp ákesine bergen. Ol ony páterinde saqtaǵan.

T-nyń zańsyz áreketteri azamattardyń tynyshtyǵyn buzýǵa, obektilerdi evakýatsııalaýǵa, sondaı-aq ushaqtardyń keshigýine ákelip soqty.

Onyń kinási qylmystyq is materıaldarymen dáleldendi. Ol óziniń kinásin tolyq moıyndap, jasaǵan áreketi úshin ókindi.

Sot úkimimen T. 1 jyl 6 aıǵa bas bostandyǵynan aıyryldy.

Sot úkimi zańdy kúshine engen joq.


Jańalyqtar

Úrdis

MURAǴAT