Astana turǵyny Kókshetaýda esirtki zatyn jasyrý kezinde ustaldy
2022 jylǵy 4 shilde 22:55

Astana turǵyny Kókshetaýda esirtki zatyn jasyrý kezinde ustaldy

KÓKShETAÝ. QazAqparat - Kókshetaýda sıntetıkalyq esirtki jáne psıhotroptyq zattardy jasyrýmen aınalysqan Nur-Sultan qalasynyń 33 jastaǵy turǵyny ustaldy, dep habarlaıdy QazAqparat tilshisi.

Aqmola oblystyq Polıtsııa departamenti baspasóz qyzmetiniń málimetinshe, kúdikti kezekti esirtki zatyn jasyrý kezinde qolǵa tústi.

«Er adamdy tintý kezinde ózindik ıisi bar aq, sary jáne kók tústi untaq tárizdi 88 túıirshik tárkilendi. Saraptama kórsetkendeı, tárkilengen zat salmaǵy 39 gramnan asatyn «a-PVP» psıhotroptyq zat bolyp tabylady, bul óte úlken mólsherge jatady», - dedi vedomstvodan.

Anyqtalǵandaı, kúdikti buǵan deıin elorda aýmaǵynda sıntetıkalyq esirtki jasyrýmen aınalysqan, al mamyr aıynda Kókshetaýǵa kelgen.

«Qazirgi kezde kúdikti ýaqytsha ustaý oqshaýlaǵyshyna qamalyp, ústinen Qylmystyq kodekstiń 296-babynyń 4-bóligi «esirtki zattaryn zańsyz tasymaldaý» boıynsha sotqa deıingi is qozǵaldy», - dedi vedomstvodan.


Uqsas jańalyqtar

Jańalyqtar

Úrdis

MURAǴAT