+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Astana sý arnasy: Nur-Sultandaǵy apattyq jaǵdaıǵa aýa raıy kináli

2019 jylǵy 18 qarasha 17:23
Bólisińiz:
Astana sý arnasy: Nur-Sultandaǵy apattyq jaǵdaıǵa aýa raıy kináli

NUR-SULTAN. QazAqparat. «Astana sý arnasy» MKK tehnıkalyq damý bóliminiń basshysy Erjan Sharıpov elordanyń sol jaǵalaýynda birneshe kósheniń sýsyz qalý sebebin aıtty, dep habarlaıdy QazAqparat tilshisi.

Uqsas jańalyqtar
Almaty ortalyǵynda ornalasqan birqatar ǵımarat sýsyz qalady Qazaqstandaǵy sý resýrstarynyń júıesine aýdıt júrgiziledi

«Elordadaǵy apatty jaǵdaıdy basty sebebi – klımattyq jaǵdaı. Aýa temparatýrasy ózgergende topyraq qozǵala bastaıdy. Sonyń nátıjesinde dıametri - 90 0 sý qubyrynyń dánekerlengen jeri sógilgen. Apatty jaǵdaı týraly habarlama tańǵy saǵat 05:20 mınýtta jetti. Saǵat 06:00-de apatty jaǵdaıdy oqshaýlaý úshin brıgada oqıǵa ornynda boldy. Shamamen saǵat 10:30-da sý qubyry jabyldy. Sonyń nátıjesinde 33-ten astam turǵyn úıde sý toqtatyldy», - deıdi Erjan Sharıpov.

Jóndeý jáne qurylys brıgadasy kameradaǵy apattyq jaǵdaıdy oqshaýlaýǵa kirisip ketken.

«Saǵat 12:00-de sý jetkizý jumystary uıymdastyrylyp, 3 tehnıka 13-14 reıs jasap, sý ákeldi. Sóıtip sýy toqtatylǵan úı turǵyndaryna shamamen 55 myń lıtr sý jetkizildi. Bul jaǵdaı demalys kúni bolǵandyqtan, turǵyndardyń kóbi úılerinde edi, sol sebepti sý alýǵa kezek kóp boldy. 14:00-ge qaraı apattyq jaǵdaı bitkenmen, kamerada taǵy bir qubyrdy qaıtalap dánekerleý qajet boldy. Saǵat 22:00-de negizgi sý jelisin iske qosyp, eki turǵyn úı kesheninen basqasyna sý berildi. Eki saǵattan keıin ol úılerge de sý bardy. Túngi saǵat 24:00-de úıge aýyz sý berý tolyq qalypqa keltirildi», - deıdi ol.

Atalǵan sý qubyry 2017 jyldyń qarasha aıynda iske qosylǵan. 2019 jyldyń qyrkúıek aıynda «Astana sý arnasy» MKK balansyna berilgen, biraq «KazGerStroı» JShS merdiger uıymynyń kepildendirilgen mindetteri bar.

«Atalǵan sý qubyry ýchaskesine tapsyrys berýshi – Nur-Sultan qalasy kólik jáne jol-kólik ınfraqurylymyn damytý basqarmasy. Kóptegen turǵyn úı sýsyz qalǵandyqtan, kim kináli ekenin anyqtap jatpaı, birden jóndeý jumystaryna kiristik. Tıisti qujattar daıyn bolǵan soń osy merdigerlerge shaǵymdanatyn bolamyz», - deıdi bólim basshysy.

Erjan Sharıpovtiń aıtýynsha, kepildigi bar qubyrlar únemi tekserilip, qaı jerinde aqaý bar ekeni jazylyp alynady. Munyń bári saraptalyp, qorytyndysy shyǵady.

Eske sala ketsek, buǵan deıin «Astana Sý arnasy» keıbir turǵyn úılerde sýdyń toqtap qalý sebebin túsindirdi. Sondaı-aq, elordada sý júıesin qalpyna keltirý úshin 2 brıgada jumys istep, sýsyz qalǵan úılerine aýyz sý jetkizildi.

17 qarashada Nur-Sultandaǵy «Jaǵalaý» shaǵyn aýdanynyń turǵyn úılerine sý berile bastady.

Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT